ភ្នំពេញ៖ ដើម្បីទទួលបានផ្លូវបេតុងដែលមានគុណភាពល្អ នឹងជៀសវាងមានផលប៉ះពាល់ដល់ប្រជាពលរដ្ឋដោយប្រការណាមួយ ជុំវិញការស្ថាបនា ផ្លូវបេតុងចូលសាកលវិទ្យាល័យភូមិន្ទកសិកម្មចំការដូង នោះអាជ្ញាធរខណ្ឌដង្កោតែងតែយកចិត្តទុក្ខដាក់ ចុះពិនិត្យការស្ថាបនាញឹកញាប់ នឹងចុះណែនាំនឹងជូនដំណឹងបងប្អូនប្រជាពលរដ្ឋដែលរស់នៅអមសងខាងផ្លូវនេះអោយរុះរើសនៅសម្ភារ ឬក៏របសរបរផ្សេងចដញ ដើម្បីងាយស្រួលដល់ការស្ថាបនាផ្លូវ។
ជាក់ស្តែងនៅព្រឹកថ្ងៃទី ១ ខែកក្កដា ឆ្នាំ ២០១៦នេះ លោក ចេង មុនីរ៉ា អភិបាលរងខណ្ឌដង្កោបានដឹកនាំមន្ត្រីជំនាញចុះពិនិត្យការនឹងវាស់វែង ត្រង់ចំណុចផ្លូវដែលកំពុងស្ថាបនា ។ ក្នុងនោះលោកអភិបាលរងបានអោយដឹងថា ផ្លូវបេតុងដែលត្រូវស្ថាបនាមានទំហំ ទទឹង ៣០ ម៉ែត្រ បណ្តោយ ៦៥៣ ម៉ែត្រ កម្រាស១តឹកន្លះ ប៉ុន្តែស្ថាបនាជាដំណាក់កាលបន្តបន្ទាប់ ដោយដំណាក់ទី១ ស្ថាបនា ផ្លូវបេតុង ទទឹង៧ ម៉ែត្រ បណ្តោយ ៦៥៣ ម៉ែត្រសិននឹងដំណាក់កាលបន្ទាប់ដាក់លូអមសងខាង ផ្លូវ ២ម៉ែត្រ មុខកាត់១ម៉ែត្រ ហើយដំណាក់បន្ទាប់ក្រោយពីប្រជាលរដ្ឋររុះរើសសំយ៉ាតផ្ទះ ឬក៏របស់ផ្សេងៗដែលប៉ះផលដល់ការស្ថាបនាផ្លូវចេញអស់នោះ អាជ្ញាធរស្ថាបនាអោយត្រូវនឹងស្តង់ដាដែលបានកំណត់ គឺ ទទឹង ៣០ ម៉ែត្រ បណ្តោយ ៦៥៣ ម៉ែត្រ កម្រាស១តឹកន្លះ ។
ក្នុងឱកាសខាងលើលោកអភិបាលរងបានផ្តាំផ្ញើដល់ក្រុមហ៊ុនដែលទទួលម៉ៅការស្ថាបនាផ្លូវបេតុងនេះ ត្រូវគោរពតាមកិច្ចសន្យា នឹងធ្វើទៅតាមស្តង់ដា មិនត្រូវធ្វើដោយមានកិបកេងនាំអោយផ្លូវឆាប់ខូចនៅពេលស្ថាបនារួច ៕
ដោយ៖ជីម ភារ៉ា ដង្កោ
