ភ្នំពេញ៖ យុវជន៣នាក់ដែលជិះម៉ូតូ មួយគ្រឿងឌុបគ្នានៅកណ្តាលអធ្រាត្រត្រូវបានកម្លាំងនគរបាលប៉ុស្តិ៍និងជំនាញព្រហ្ម ទណ្ឌខណ្ឌឫស្សីកែវឃាត់ខ្លួនកសាងសំណុំរឿងបញ្ជូនទៅអធិការដ្ឋានដើម្បីចាត់ការ បន្តទៅតាមផ្លូវច្បាប់ ខណៈជនសង្ស័យ ទាំង៣នាក់ខាងលើបានរក្សាទុកថ្នាំញៀន ១កញ្ចប់នៅក្នុងហោប៉ៅដើម្បីយកទៅប្រើ ប្រាស់។

សមត្ថកិច្ចបានធ្វើការឃាត់ខ្លួនយុវជន ទាំង៣នាក់នេះនៅវេលាម៉ោង៣និង៣០ នាទីរំលងអធ្រាត្រឈានចូលថ្ងៃទី១ ខែ កក្កដា ឆ្នាំ២០១៦ ស្ថិតនៅចំណុចផ្លូវលេខ ៩០៧ កែងផ្លូវលេខ៦២R ក្រុមទី១០ សង្កាត់ទួលសង្កែ ខណ្ឌឫស្សីកែវ។

នគរបាលប៉ុស្តិ៍ទួលសង្កែបានឲ្យដឹង ថា យុវជនទាំង៣នាក់ដែលឃាត់ខ្លួនក្នុង ករណីគ្រឿងញៀនខាងលើនេះទី១.ឈ្មោះ ខឿន ទិត្យ ភេទប្រុស អាយុ២០ឆ្នាំ​ មានទីលំនៅផ្ទះជួលក្នុងសង្កាត់ទួលសង្កែ, ទី២.ឈ្មោះឆាង លីហៀប ភេទប្រុស អាយុ១៩ ឆ្នាំ ស្នាក់នៅជាមួយគ្នា និងទី៣.ឈ្មោះ ឈុត ហ៊ាង ភេទប្រុស អាយុ២១ឆ្នាំ ស្នាក់ នៅជាមួយគ្នា ហើយអ្នកទាំង៣មានស្រុក កំណើតនៅខេត្តព្រៃវែង។

សមត្ថកិច្ចបានបញ្ជាក់ឲ្យដឹងថា ក្នុង ការឃាត់ខ្លួនយុវជនទាំង៣នាក់ខាងលើ នេះកម្លាំងនគរបាលប៉ុស្តិ៍រួមជាមួយនឹង កម្លាំងជំនាញព្រហ្មទណ្ឌខណ្ឌបានចេញ ល្បាតនៅក្នុងភូមិសាស្រ្តដូចសព្វដងដើម្បី ការពារនិងរក្សាសន្តិសុខជូនប្រជាពលរដ្ឋ។ លុះដល់វេលាម៉ោងខាងលើក៏ឃើញ ជនសង្ស័យបើកម៉ូតូឌុបគ្នាគ្មានមួកហើយ ម៉ូតូមិនគ្រប់លក្ខណៈបច្ចេកទេសក៏ឃាត់ ដើម្បីសួរនាំនិងឆែកឆេរស្រាប់តែឃើញ ថ្នាំញៀននៅក្នុងហោប៉ៅរបស់ពួកគេ។

តាមសម្តីយុវជនទាំង៣នាក់បានឲ្យ ដឹងថា ថ្នាំញៀនដែលនៅក្នុងខ្លួនគឺរូបគេ ទិញពីជិតស្ថានទូតបារាំងក្នុងទឹកដីសង្កាត់ ស្រះចក ខណ្ឌដូនពេញដើម្បីយកទៅប្រើ ប្រាស់តែត្រូវបានសមត្ថកិច្ចឃាត់ខ្លួនតែម្តង៕

ដោយ៖ អរុណរះ