ខេត្តស្វាយរៀង: បុរសជាជនសង្ស័យម្នាក់ត្រូវបានសមត្ថកិច្ចឃាត់ខ្លួនពាក់ព័ន្ធករណីឆក់ទូរស័ព្ទស្ត្រីរងគ្រោះតាមផ្លូវនៅស្រុករំដួល។

ហេតុការណ៍នេះបានកើតឡើងកាលពីវេលាម៉ោង១១និង៣០នាទី ថ្ងៃទី ១២ ខែកញ្ញា ឆ្នាំ ២០២៣ នៅចំណុចផ្លូវជាតិលេខ ១៣ ស្ថិតក្នុងភូមិព្រៃគាវឃុំកំពង់ចក ស្រុករំដួល ។

យោងតាមសមត្ថកិច្ចនគរបាលស្រុកបានអោយដឹងថាជនសង្ស័យមានឈ្មោះ គឹមតារាវិទូ ហៅទូអាយុ 25 ឆ្នាំមុខរបរមិនពិតប្រាកដ រស់នៅភូមិតាណែង ឃុំសង្កែ ស្រុករំដួល។

ចំណែកស្ត្រីម្ចាស់ទូរស័ព្ទមានឈ្មោះប៉ែនស្រីរ័ត្ន អាយុ ៣៦ឆ្នាំរស់នៅភូមិព្រៃគាវ ឃុំកំពង់ចក ស្រុករំដួល ។
ប្រភពបន្តថាចំណែកសម្ភារៈដែលដកហូតបានរួមមានទូរសព្ទដៃម៉ាក vivo មួយគ្រឿងនិងម៉ូតូម៉ាកវែវ (vave)ស្លាកលេខ   70-D1.526.75 មួយគ្រឿង។

តាមសាក្សីបានអោយដឹងថាមុនកើតហេតុមានស្ត្រីម្នាក់ដើតាមផ្លូវជាតិលេខ ១៣ ហើយបាននិយាយទូរស័ព្ទតែម្នាក់ឯងខណៈនោះស្រាប់តែមានជនសង្ស័យម្នាក់បានជិះម៉ូតូមួយគ្រឿងម៉ាកវែវ (vave)ពាក់ស្លាកលេខ វៀតណាម  70-D1.526.75 មួយគ្រឿងក៏បានបើកមកជិតទើបឆក់ទូរស័ព្ទបង្កការភ្ញាក់ផ្អើលដល់សមត្ថកិច្ចឃាត់ខ្លួនបានតែម្ដង។

បច្ចុប្បន្នជនសង្ស័យនិងវត្ថុតាមសមត្ថកិច្ចឃាត់ខ្លួននៅអធិការដ្ឋាននគរបាលស្រុកដើម្បីចាត់ការបន្តតាមច្បាប់៕ដោយ៖សុថាន