នៅក្នុងសេចក្តីប្រកាសមួយកាលពីថ្ងៃទី​០១ ខែកក្កដា សេតវិមានបានទទួលស្គល់ថា កម្លាំងទាំហ៊ានអាមេរិកបានវាយប្រហារច្រឡំសម្លាប់មនុស្សរហូតដល់ទៅ​ ៦៤នាក់​និង ​១១៦នាក់រងរបួស ។ ការវាយប្រហារនោះធ្វើឡើងតាមយន្តហោះគ្មានមនុស្សបើក។

មានប្រសាសន៍នៅក្នុងសន្និសីទការសែតនៅសេតវិមាណ​លោក ​Josh Earnest បានបញ្ចាក់ថា គោលដៅនៃការផ្តល់ព័ត៌មានខាងលើគឺដើម្បីបង្កើនទុល្យភាព​សម្រាប់សកម្មភាពយោធារបស់អាមេរិក ដែលកំពុងតែបំពេញបេសកកម្មប្រឆាំងក្រុមភេរវកម្មនៅជុំវិញពិភពលោក។

លោក​ Josh Earnest បន្តទៀតថា ចំនួនអ្នកស្លាប់នេះអាចមានច្រើនជាងតួលេខដែលទីក្រុងវ៉ាស៊ីនតោនទទួលបាន និងទាបជាងតួលេខដែលអង្គការនានាបានប្រកាស។

ចាប់តាំងពីលោក អូបាម៉ា ឡើងកាន់អំណាចនៅឆ្នាំ​២០០៩ មកទល់ពេលនេះ​យន្តហោះគ្មានមនុស្សបើករបស់អាមេរិកបានបើកការវាយប្រហាររហូតដល់ទៅ​ ៥០០លើកក្នុងតំបន់ដែលអាមេរិកមិនបានចូលរួមធ្វើសង្គ្រាមដោយផ្ទាល់ក្នុងនោះមានប្រទេសស៊ីរី និងអាហ្គានិស្ថាន។

ក្នុងរយៈពេល​៦ឆ្នាំចាប់តាំងពីឆ្នាំ​២០០៩ ដល់ឆ្នាំ​២០១៥ ទាហ៊ានអាកាសអាមេរិកនិង​ CIA បានវាយប្រហារតាមយន្តហោះគ្មានមនុស្សបើក រហូតដល់​ ៤៧៣លើកសម្លាប់មនុស្សពី ២.៣៧១ ទៅ ២.៥៨១នាក់។ ការដែលទាហ៊ានអាមេរិកបើកការវាយប្រហារនោះដោយរងការសង្ស័យថា ជាកន្លែងលាក់ខ្លួនរបស់ក្រុមភេរវកម្ម៕

ប្រែសម្រួល៖ សាធី