ខេត្តបាត់ដំបងៈ​នាថ្ងៃទី០២​ ខែកក្កដា​ ឆ្នាំ២០១៦ វេលាម៉ោង១៥:១៥នាទីរសៀល នៅចំណុចខាងក្រោមភ្នំព្រឹក ស្ថិតក្នុងភូមិថ្នល់បត់ ឃុំអួររំដួល ស្រុកភ្នំព្រឹក មានករណីគ្រោះថ្នាក់ចរាចរបាន កើតឡើងបណ្តាលអោយ រថយន្តយីឌុប ពាក់ផ្លាកលេខ សៀមរាប 3A 2295 ដឹកសីុម៉ង់ចំនួន០៨តោន ចេញពីទីប្រជុំជនស្រុកភ្នំព្រឹក ទៅដាក់ឲ្យគេនៅចំណុចឃុំភ្នំព្រឹក ពេលឡើងភ្នំព្រឹកបានបន្តិច ក៏រអិលថយក្រោយ តាកុងរថយន្តកាច់ទៅកៀនធ្លាក់ផ្លូវ ចូលក្នុងចំការកៅសូ៊ បណ្តាលឲ្យបាក់បង្គោលភ្លើង០១ដើម និងដាច់ខ្សែភ្លើងធ្លាក់ដល់ដី មិនបណ្តាកឲ្យរងគ្រោះថ្នាក់ដល់មនុស្សឡើយ ។

សមត្ថកិច្ចបានអោយដឹងថាៈ​ អ្នកបើករថយន្ត ឈ្មោះ សុ ស្រីម ភេទប្រុស អាយុ៣៦ឆ្នាំ រស់នៅភូមិកោះខៀវ ឃុំសំពៅលូន ស្រុកកោះធំ ខេត្តកណ្តាល មករកសីុបើករថយន្តឲ្យគេ នៅស្រុកភ្នំព្រឹក ៕​

ដោយ​ សុខ​ ខេមរា