ភ្នំពេញ៖ សូមបងប្អូនប្រជាពលរដ្ឋបើកបរយានយន្តគោរពច្បាប់ចរាចរណ៍ទាំងអស់គ្នា ព្រោះការគោរពច្បាប់ចរាចរស្មើនឹងគោរពជីវិតខ្លួនឯង ! ខណៈករណីគ្រោះថ្នាក់ចរាចរណ៍ផ្លូវគោកទូទាំងប្រទេសកាលពីថ្ងៃទី២៤៦ ខែកញ្ញា ឆ្នាំ២០២៣ម្សិលមិញនេះ បណ្តាលឱ្យមនុស្សស្លាប់ ៥នាក់ (ស្រី០នាក់) និងរបួសធ្ងន់ស្រាល ៧នាក់ ។
ជាក់ស្ដែងយោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ បានបញ្ជាក់ថា ក្នុងករណីគ្រោះថ្នាក់ដែលបង្កឱ្យមានមនុស្សស្លាប់ ៧នាក់ របួសធ្ងន់ ៤នាក់ និងរបួសស្រាល ៣នាក់ គឺកើតឡើងដោយសារការប៉ះទង្គិចគ្នាចំនួន ១១លើក មាន ៖កត្តាល្បឿន ៥លើក (ស្លាប់ ៣នាក់) មិនប្រកាន់ស្តាំ ៣លើក (ស្លាប់ ២នាក់) ស្រវឹង ១លើក ងងុយ ១លើក និងអាកាសធាតុ ១លើក។
ជាមួយគ្នានោះ យោងតាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្តីពីការរឹតបន្ដឹងច្បាប់ស្ដីពីចរាចរណ៍ផ្លូវគោក កាលពីថ្ងៃទី២៦ ខែកញ្ញាម្សិលមិញនេះដែរ បានឱ្យដឹងថា ចំនួនគោលដៅសរុប ៨៤គោលដៅ មានយានយន្តចូលគោលដៅចំនួន ១,៤៦៧គ្រឿង រថយន្តធំ ៨គ្រឿង រថយន្តតូច ១៨៩គ្រឿង និងម៉ូតូ ១,២៧០គ្រឿង ក្នុងនោះរកឃើញយានយន្តល្មើសសរុបចំនួន ៤៧៧គ្រឿង រថយន្តធំ ៨គ្រឿង រថយន្តតូច ៩៣គ្រឿង និងម៉ូតូចំនួន ៣៧៦គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។
របាយការណ៍ដដែល បានវាយតម្លៃថាការអនុវត្តតាមអនុក្រឹត្យថ្មីក្នុងការផាកពិន័យយានយន្តល្មើសបានដំណើរការទៅយ៉ាងល្អប្រសើរទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់ បានចូលរួមគោរពច្បាប់ចរាចរណ៍យ៉ាងល្អប្រសើរ ៕
ដោយ៖សហការី
