ខេត្តបាត់ដំបង ៖ នៅព្រឹកថ្ងៃទី០២ ខែកក្កដា ឆ្នាំ២០១៦ នេះ ក្រុមការងារសាខាកាកបាទក្រហមកម្ពុជា ខេត្តបាត់ដំបង ដឹកនាំដោយលោកស្រី ស៊ុត ម៉ិ ហេរញ្ញឹកសាខា និងលោក កង ប៊ន នាយកសាខា ព្រមទាំងសហការី ចុះសួរសុខទុក្ខ និងនាំយកអំណោយមនុស្សធម៌ទៅផ្តល់ជូន លោក ឈឿន គឹមហុង ភេទប្រុស អាយុ ៣៩ឆ្នាំ រស់នៅភូមិដំណាក់ក្សាន្ត ឃុំបួរ ស្រុកភ្នំព្រឹក ខេត្តបាត់ដំបង
ក្នុងឱកាសនោះ លោកស្រី បានពាំនាំប្រសាសន៍អំពីការព្រួយបារម្មណ៍ និងការយកចិត្តទុកដាក់ពីសំណាក់ លោកបណ្ឌិត ប៊ុត គឹមស៊ាន ប្រធានគណៈកម្មាធិការសាខា ដល់លោកពូដែលរងគ្រោះដាច់ជើងធ្វើឲ្យពិការទោះបីជាលោក មានការមមាញឹកយ៉ាងណាក៏ដោយ ក៏លោកចាត់តាំងឲ្យក្រុមការងារចុះសួរសុខទុក្ខដោយមិនប្រកាន់ពីនិន្នាការនយោបាយ ជាតិសាសន៍ សាសនា វណ្ណៈ អ្វីឡើយ ពោលគឺ កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា។
អំណោយមនុស្សធម៌ដែលបានចែកជូនលោកពូទទួលបាន អង្ករ៣០kg មីុ១កេស ត្រីខ១០កំប៉ុង មុង១ ភួយ១ សារុង១ ក្រមា១ និងថវិកាចំនួន ២០០.០០០រៀលផងដែរ៕
ដោយ៖ សីលា
