ខេត្តបាត់ដំបង ៖ កាលពីរសៀលថ្ងៃទី២៩ ខែកក្កដា ឆ្នាំ២០១៥ ករណីគ្រោះថ្នាក់ ចរាចរណ៍ដ៏រន្ធត់មួយ បានកើតឡើងដោយសាររថយន្ត ហ៊ីយ៉ាន់ដាយ បុកជាមួយរថយន្ត ឡិចស៊ីស RX300 ពណ៌ខ្មៅ បណ្តាលឲ្យមនុស្ស៤នាក់ស្លាប់ និង៧នាក់ផ្សេងទៀត រងរបួសធ្ងន់ស្រាល ក្នុងនោះមានស្រី៤នាក់ ។

 

តាមសាក្សីនៅកន្លែងកើតហេតុ បានឲ្យដឹងថា ហេតុការណ៍គ្រោះថ្នាក់ចរាចរណ៍ ដ៏គួរឲ្យរន្ធត់នេះ កើតឡើង ដោយសាររថយន្តទាំង២គ្រឿង បានបើកបរបញ្រ្ចាស់ទិសគ្នា ស្ថិតត្រង់ចំណុច ឃុំតាស្តា ស្រុកសំពៅលូន ខេត្តបាត់ដំបង។

រថយន្តហ៊ីយ៉ាន់ដាយចំណុះ ២,៥តោន ពណ៌ស ពាក់ស្លាកលេខ ភ្នំពេញ 3B-7448 បានបុក រថយន្តឡិចស៊ីស RX300 ពណ៌ខ្មៅ ពាក់ស្លាកលេខ ភ្នំពេញ 2R-2514 បណ្តាល ឱ្យមានស្លាប់ និងរបួសជាច្រើននាក់ ។ គួរបញ្ជាក់ថា ក្នុងហេតុការណ៍ នោះមនុស្សដែលរងរបួសត្រូវ បានកៀនជាប់នឹងរថយន្ត ដោយសមត្ថកិច្ច បានជួយគាស់យកពេញ ពីរថយន្ត រួចបញ្ជូនទៅសង្គ្រោះ បន្ទាន់ផងដែរ ៕ សហការី