លោក Christopher Luxon ដែលជានាយករដ្ឋមន្ត្រីជាប់ឆ្នោតរបស់ប្រទេសនូវែលសេឡង់បាននិយាយនៅថ្ងៃចន្ទ (ទី16 ខែតុលា) ថា លោកកំពុងធ្វើការដើម្បីកសាងរដ្ឋាភិបាលចម្រុះ។

គណបក្សជាតិនិយមកណ្តាលរបស់លោក Luxon និងគណបក្សចម្រុះ ACT បានទទួលជ័យជម្នះប្រកៀកប្រកិតកាលពីថ្ងៃទី 14 ខែតុលា នៅពេលដែលពួកគេរួមគ្នាទទួលបានអាសនៈចំនួន 61 ក្នុងចំណោមអាសនៈសភាសរុបចំនួន 121 ។
ថ្វីដ្បិតតែគណបក្សទាំងពីរមានចំនួនគ្រប់គ្រាន់ដើម្បីបង្កើតរដ្ឋាភិបាលមួយយោងតាមស្ថិតិបច្ចុប្បន្ន ប្រហែល 567.000 សំឡេងពិសេស ឬប្រហែល 20% នៃចំនួនសរុបនៅតែត្រូវបានរាប់។ លទ្ធផលផ្លូវការនឹងមាននៅថ្ងៃទី 3 ខែវិច្ឆិកា។
លោក Luxon បានប្រាប់វិទ្យុ New Zealand នៅថ្ងៃទី16 ខែតុលាថា គណបក្សរបស់លោកនឹងរង់ចាំលទ្ធផលនៃការរាប់សន្លឹកឆ្នោតពិសេស ប៉ុន្តែនឹងចាប់ផ្តើមបង្កើតទំនាក់ទំនងនិងការសន្ទនាជាមួយទាំងគណបក្ស ACT និងគណបក្ស New Zealand First Party។
លោកបានបន្ថែមថា តាមឧត្ដមគតិ រដ្ឋាភិបាលមួយនឹងត្រូវបានបង្កើតឡើងមុនកិច្ចប្រជុំ APEC ក្នុងខែវិច្ឆិកា ប៉ុន្តែនេះនឹងអាស្រ័យលើការបោះឆ្នោតពិសេស និងវឌ្ឍនភាពនៃការចរចា។
នូវែលសេឡង់បច្ចុប្បន្នត្រូវបានដឹកនាំដោយរដ្ឋាភិបាលអន្តរកាលដែលគ្រប់គ្រងដោយគណបក្សពលករ។ លោក Luxon បាននិយាយថា ការផ្លាស់ប្តូររវាងរដ្ឋាភិបាលទាំងពីរកំពុងដំណើរការ។
សមាជិកសភាដែលទើបជាប់ឆ្នោតថ្មីរបស់ប្រទេសនូវែលសេឡង់នឹងនៅទីក្រុង Wellington នៅថ្ងៃទី 16 ខែតុលា ដើម្បីចាប់ផ្តើមសម័យប្រជុំការងារដំបូងរបស់ពួកគេ។ កាលពីដើមឆ្នាំនេះ អតីតនាយករដ្ឋមន្ត្រីនូវែលសេឡង់ លោកស្រី Jacinda Ardern ស្រាប់តែប្រកាសលាលែងពីតំណែង៕ ដោយធីរីណា

រូប​ថត​:Reuters