ការផ្គត់ផ្គង់ទីផ្សារខុនដូកើនឡើងខ្លាំងក្នុងរយៈពេល២ឆ្នាំចុងក្រោយនេះ

ចែករំលែក៖

ភ្នំពេញ៖ រយៈពេលឆមាសទី១ ឆ្នាំ២០១៦ នេះការប្រកាសដាក់លក់ខុនដូមុនគម្រោងមានរហូតដល់ ១៣.៧៣០ ឯកតា (យូនិត) គឺមានការកើនឡើង ៥២ភាគរយបើធៀបនឹងរយៈពេលដូចគ្នាកាលពីឆ្នាំ២០១៥ ដែលការប្រកាសដាក់លក់មានចំនួនត្រឹមតែ១៣.០៥០ឯកតា។ កំណើននៃផ្គត់ផ្គង់ខុនដូរនេះនឹងបន្តឡើងទៀតដែលអ្នកជំនាញបញ្ជាក់ថានឹងអាចឡើងដល់ ៣៧.៥៧០ឯកតានៅឆ្នាំ២០២០។

...

ការបញ្ជាក់នេះត្រូវបានធ្វើឡើងទន្ទឹមគ្នានឹងការចេញរបាយការណ៍ «ទីផ្សារខុនដូឆមាសទី១ ឆ្នាំ២០១៦» នៅរាជធានីភ្នំពេញដែលស្រាវជ្រាវដោយអ្នកជំនាញផ្នែកអចលទ្រព្យនៃក្រុមហ៊ុន Century 21  ។ របាយការនេះត្រូវបានធ្វើការប្រកាសកាលពីព្រឹកថ្ងៃទី៦ ខែកក្កដា ឆ្នាំ២០១៦ នេះ នៅសណ្ឋាគារឡឹរ៉ូយ៉ាល់។

ប្រធានក្រុមប្រឹក្សាភិបាល និងជានាយកក្រុមហ៊ុន Century 21 Cambodia លោក គុយ វ៉ាត បានលើកឡើងទាក់ទងនឹងកំណើននេះថា ទំនុកចិត្តទីផ្សារ និងលទ្ធភាពពង្រីកទីផ្សារខុនដូនៅបណ្តាប្រទេសជាដៃគូធ្វើឲ្យអ្នកវិនិយោគលើវិស័យអចលទ្រព្យមានទំនុកចិត្ត និងចាប់អារម្មណ៍មកធ្វើការវិនិយោគនៅកម្ពុជា។ លោកបន្តថា រហូតមកដល់ពេលនេះមានមានគម្រោងអភិវឌ្ឍន៍ខុនដូទាំងសាងសង់ហើយ និងកំពុងសាងសង់ និងមិនទាន់ចាប់ផ្តើមសាងសង់មានសរុបប្រមាណ ១១០គម្រោងស្មើនឹង ១៤៨អគារ និងគិតជាចំនួនប្រមាណ ៣៦.៧៤២ឯកតា។

លោកបន្តថា គិតត្រឹមត្រីមាសទី១នេះមានអគារខុនដូសរុបចំនួន២៤ ត្រូវបានសាងសង់រួចរាល់គឺប្រមាណ ៥.០១៤​ឯកតា។ លោកថា នៅចុងឆ្នាំ២០១៦ នេះ ក៏ត្រូវបានគេរំពឹងថានឹងមានគម្រោងមួយចំនួនទៀតត្រូវបានបញ្ចប់ដែលមួយភាគធំគឺបានពីគម្រោងខុនដូ Olympia City ។

លោក ​ច្រឹក សុខនីម ​​អគ្គនាយក​​ក្រុមហ៊ុន ​​Century 21 Mekong បានបញ្ជាក់ថា បើទោះបីជាតម្រូវការក្នុងទីផ្សារក្នុងស្រុកយឺតក្នុងការសម្រួលដល់ការផ្គត់ផ្គង់ទីផ្សារយ៉ាងច្រើនសន្ធឹកសន្ធាប់នេះក៏ដោយក៏ប្រតិបត្តិការលក់មានកំណើនជាមធ្យមប្រចាំឆ្នាំប្រមាណ ២៧ភាគរយក្នុងអំឡុងពេលពីឆ្នាំ២០០៧ ដល់ឆមាសទី១នៃឆ្នាំ២០១៦ ។ លោកបន្តដែរថា កម្លាំងស្រូបទាញទីផ្សារមធ្យមរួមសម្រាប់ទីផ្សារខុនដូនៅភ្នំពេញគឺ ២,៤ឆ្នាំស្មើនឹង២៩ខែគិតពីឆ្នាំ២០០៧ ដល់ឆ្នាំ២០១៥ មានន័យថា គម្រោងខុនដូមួយជាមធ្យមត្រូវការពេល ២៩ខែដើម្បីលក់ចេញនូវគម្រោងខុនដូទាំងមូលអស់។

លោកបន្តថា តាមរបាយការណ៍ដែលចេញនៅពេលនេះបានបញ្ជាក់ថាអតិថិជនដែលទិញគម្រោងខុនដូរនៅពេលនេះគឺមានប្រមាណ ៣០ភាគរយជាជនជាតិខ្មែរ និងប្រមាណ ៧០ភាគរយជាជនបរទេស ដែលខុនដូមួយមានតម្លៃចាប់ពី ៧ម៉ឺនដុល្លារអាមេរិកសម្រាប់បន្ទប់មួយ និងចាប់ពី ១៥ម៉ឺនដុល្លារឡើងសម្រាប់ខុនដូមាន២បន្ទប់។

លោកបន្តទៀតថា កម្ពុជាត្រូវការពេលវេលាប្រមាណ ៣០ខែដើម្បីអភិវឌ្ឍន៍ទីផ្សារខុនដូឲ្យមានទីផ្សារល្អ។ លោកថា គម្រោងខុនដូដ៏ល្អនៅកម្ពុជាគឺនៅក្នុងខណ្ឌចម្ការមនគឺតំបន់បឹងកេងកង ប៉ុន្តែគម្រោងខុនដូនឹងរីកខ្លាំងបន្តនៅខណ្ឌទួលគោកនៅពេលដ៏ខ្លីខាងមុខនេះ៕

1 (1)

1 (2)

1 (3)

1 (4)

1 (5)

1 (6)

ដោយ៖ វឌ្ឍនា

...

1111

ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print