កាលពីថ្ងៃទី៦ ខែកក្កដា កូរ៉េខាងជើងបានបើកទំនុបបង្ហូរទឹកទៅកាន់កូរ៉ែខាងត្បូងបង្ករឲ្យរដ្ឋាភិបាលទីក្រុងសេអូលព្រួយបារម្ភយ៉ាងខ្លាំងដោយបានជម្លៀសពលរដ្ឋមួយចំនួនទៅកាន់តំបន់មានសុវត្ថភាពគេចពីទឹកជំនន់ផងដែរ។
មន្ត្រីកូរ៉េខាងត្បូងម្នាក់បានឲ្យដឹងថា កូរ៉ែខាងជើងបានបើកទំនុបទឹក Hwanggang នៅវេលាម៉ោង៦ព្រឹកថ្ងៃទី៦ ខែកក្កដា ដោយប្រលេងទឹកហូសន្សឹមៗ។ ការបើកទំនុបនោះភាគីកូរ៉េខាងជើងមិនបានផ្តល់ឲ្យរដ្ឋាភីបាលទីក្រុងសេអូលបានដឹកជាមុនឡើយ បើទោះបីប្រទេសទាំងពីរបានចុះកិច្ចព្រមព្រៀងរួចហើយក៏ដោយ។
ដោយសារតែទឹកនៅក្នុងទំណប់ Hwanggang ហូរចូលដង់ទន្លេង Imjin ធ្វើឲ្យរដ្ឋាភិបាលកូរ៉េខាងត្បូងបានប្រកាសអាសន្នតាមកញ្ចក់ទូរទស្សន៍និងប្រព័ន្ធទូរស័ព្ទ ដើម្បីភៀសខ្លួនឲ្យបានទាន់ពេលវេលា។
រដ្ឋាភិបាលកូរ៉េខាងត្បូងក៏បានចាត់ទុកថា នេះជាកម្មភាពវាយប្រហាររបស់កូរ៉ែខាងជើងតាមរយៈទឹកជំនន់ ក្រោយពេលទឹកនៅខាងលើទំនប់កើនខ្ពស់ដោយសារតែភ្លៀងធ្លាក់ខ្លាំង។ ទំនុបទឹកខាងលើមានចម្ងាយពីព្រំដែន ៤២គីឡូម៉ែត្រ ដែលអាចផ្ទុកទឹកបានរហូតដល់ទៅ៣០០-៤០០ លានតោន។
កាលពីឆ្នាំ២០០៩ ពលរដ្ឋកូរ៉េខាងជើង៦នាក់ស្លាប់ដោយសារតែការបើកទំនប់មិនផ្តល់ដំណឹង។ ក្រោយហេតុការនោះទីក្រុងព្យុងយ៉ាងបានយល់ព្រមថានឹងផ្តល់ដំណឹងជាមុនប្រសិនបើបើកទំនុបទឹក៕
ប្រែសម្រួល៖ សាធី