ភ្នំពេញ៖ នៅវេលាម៉ោង២រសៀលថ្ងៃទី៧ ខែកក្កដា ឆ្នាំ២០១៦នេះ នៅទីលានចាក់សំរាមបឹងជើងឯក សង្កាត់ដង្កោ ឃុំដង្កោ រាជធានីភ្នំពេញ ធ្វើពិធីដុតកម្ទេចផលិតផលក្លែងក្លាយ ក្រោមតំណាងប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ច។

កាលពីថ្ងៃទី២២ ខែមីនា ឆ្នាំ២០១៦ កម្លាំងនាយកដ្ឋាននគរបាលប្រឆាំងបទល្មើសសេដ្ឋកិច្ចសហការ ជាមួយសមត្ថកិច្ចចម្រុះ ចុះឆែកឆេរទីតាំងផ្ទះលេខ B19-B20 ផ្លូវបេតុង សង្កាត់ដង្កោ ខណ្ឌដង្កោ រាជធានីភ្នំពេញ ក្រោយពីត្រួតពិនិត្យ និងឆែកឆេរ សមត្ថកិច្ចចម្រុះ បានដកហូតនូវគ្រឿងឧបភោគបរិភោគខូចគុណភាព ចំនួន៧ មុខ រួមមាន Vina Cafe ចំនួន២៤០កេស និង២០បាវ, Cool Tea ៧០កេស, Cafe ពោត Day to Day ១៤៨កេស, ទឹកត្រី Hao Huong និងទឹកត្រី Hao Huong (ដបជ័រ) សរុបចំនួន៤០៤កេស និងមេស្រាចំនួន ៤០ដប៕

ដោយ៖ តាឡឹម