ខេត្តកណ្ដាល: បុរសម្នាក់ សង្ស័យមានវិបត្តិផ្លូវចិត្ត បានចងក۔បញ្ចប់ជីវិតខ្លួនឯងទៅនឹងធ្នឹមផ្ទះ បង្ករឲ្យមានការភ្ញាក់ផ្អើលឡើងនៅវេលាម៉ោង ៩និង៤៥នាទី ថ្ងៃទី១៩ ខែវិច្ឆិកា ឆ្នាំ២០២៣ ផ្ទះរបស់ជនរងគ្រោះ ស្ថិតក្នុងភូមិដំរីឆ្លង ឃុំខ្ពប ស្រុកស្អាង ខេត្តកណ្តាល ។
មន្ត្រីនគរបាលស្រុកស្អាងបានឲ្យដឹងថាជនរងគ្រោះ‌ឈ្មោះ អាន ហេង ភេទប្រុស  អាយុ២៩ឆ្នាំ
ជនជាតិខ្មែរ មុខរបរ កសិករ មានទីលំនៅភូមិដំរីឆ្លង ឃុំខ្ពប ស្រុកស្អាង ខេត្តកណ្តាល។
ប្រភពដដែលបន្តថា តាមការបំភ្លឺរបស់ឈ្មោះ អាន ហូ ភេទប្រុស អាយុ៥៣ឆ្នាំ មុខរបរកសិករ ត្រូវជាឪពុកបង្កើត បានអោយដឹងថា: កូនរបស់គាត់បានលែងលះគ្នាជាមួយប្រពន្ធរយៈពេលមួយឆ្នាំកន្លងមកហើយ ហើយកូនរបស់គាត់តែងតែពិបាកផ្លូវចិត្តរហូតមិនមាត់មិនក មិនសូវនិយាយស្ដីជាយូរមកហើយ។
លុះមកដល់ថ្ងៃទី១៩ ខែវិច្ឆិកា ឆ្នាំ២០២៣ ម៉ោង៩ និង៤៥នាទី ឈ្មោះ អាន មករា ភេទប្រុស អាយុ២១ឆ្នាំ ត្រូវជាប្អូនរបស់ជនរងគ្រោះបានឡើងទៅលើផ្ទះក៏ស្រាប់តែបានឃើញបងប្រុសរបស់ខ្លួនបានស្លាប់ដោយចងក۔នឹងខ្សែនីឡុងពណ៌ខ្មៅជាប់ធ្នឹមផ្ទះក្នុងបន្ទប់ដេក។
ភ្លាមៗនោះក៏ផ្អើលឆោឡោរនិងរាយការណ៍ជូនសមត្ថកិច្ចប៉ុស្តិ៍ និងស្រុក រួចធ្វើការពិនិត្យទៅលើសាកសព ដោយសន្និដ្ឋានថា ជនរងគ្រោះពិតជាស្លាប់ដោយសារចងក۔ធ្វើអត្តឃាតពិតប្រាកដមែន ។ ក្រោយពីពិនិតចប់ សាកសពជនរងគ្រោះ ត្រូវបានសមត្ថកិច្ចជំនាញ ប្រគល់អោយក្រុមគ្រួសារយកទៅចាត់ចែងធ្វើបុណ្យតាមប្រពៃណី ៕ដោយ៖ស្អាងជ័យ