ខេត្តកណ្ដាល: បុរសម្នាក់ ចូលក្នុងបរិវេណដីដាំបន្លែគេទាំងយប់អធ្រាតុ ដោយម្ចាស់ដីសួរនាំ តែមិនឆ្លើយជាហេតុធ្វើអោយម្ចាស់ដីខឹង ក៏យកកាំបិតខ្វេវកាប់ចំកជើងខាងឆ្វេងដាច់យ៉ាងរន្ធត់ នៅថ្ងៃទី១៩ ខែវិច្ឆិកា ឆ្នាំ២០២៣ វេលាម៉ោង២៣និង៣០នាទីយប់ នៅចំណុចដីចំការដាំបន្លែភូមិព្រែកបាក់ ឃុំព្រែកទន្លាប់ ស្រុកលើកដែក ខេត្តកណ្តាល ។
ជនរងគ្រោះជនរងគ្រោះឈ្មោះ ម៉េង វ៉ាន់ឌី ភេទប្រុស អាយុ៣៤ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិព្រែកបាក់ ឃុំព្រែកទន្លាប់ ស្រុក លើកដែក ខេត្តកណ្ដាល។ជនសង្ស័យឈ្មោះ គង់ សុផាត ហៅសៅ ភេទប្រុស អាយុ៤៤ឆ្នាំ ជនជាតិខ្មែរ មុខរបរធ្វើចំការមានទីលំនៅភូមិព្រែកបាក់ ឃុំ ព្រែកទន្លាប់ ស្រុកលើកដែក ខេត្តកណ្ដាល។វត្ថុតាងចាប់យក កាំបិតផ្គាក់ផ្លែដែកប្រវែង០,៤០cmដងធ្វើពីឬស្សីប្រវែង០,៨៨cmចំនួន០១ដើម(ជារបស់ជនសង្ស័យ) -ចំពាមចំនួន០២ និងគ្រាប់ឃ្លីធំចំនួន១២គ្រាប់ គ្រាប់ឃ្លីតូច១០គ្រាប់ .គ្រាប់បាដាងកង់១០គ្រាប់ និងគ្រាប់ដែកកាត់ប្រវែង១ថ្នាំងដៃចំនួន២៥គ្រាប់(របស់ជនសង្ស័យ)។
ប្រភពដដែលបន្តថា នៅវេលាម៉ោងកើតហេតុថ្ងៃទី១៩ ខែវិច្ឆិកាឆ្នាំ២០២៣ វេលាម៉ោង២៣និង០០នាទីយប់ ជនសង្ស័យឈ្មោះ គង់ សុផាត ហៅសៅ បានចុះទៅយាមដីដាំបន្លែដោយកន្លងមក បានបាត់ប្រេងម៉ាស៊ីនបូមទឹកជាប្រចាំ ពេលមកដល់ដីចំការវេលាម៉ោងប្រហែល១១ជាងជនសង្ស័យបានចាំឃ្លាំមើល បន្តិចក្រោយជនរងគ្រោះបានដើរចូលមកដីចំការបន្លែរបស់ជនសង្ស័យ ពេលនោះជនសង្ស័យបានស្រែកសួរថា ពីណាគេដើរចូលមក ដោយមិនមានការឆ្លើយតប និង យកចំពាមបាញ់ចំនួន២គ្រាប់មកលើជនសង្ស័យបណ្ដាលអោយចំក្បាលតែមិនបែក ជនសង្ស័យក៏បានយកកាំបិតផ្គាក់មកកាប់ជនរងគ្រោះបណ្ដាលអោយដាច់កជើងខាងឆ្វេងត្រឹមភ្នែកគោចេញពីគ្នា ស្រាប់តែឈ្មោះម៉េង វ៉ាន់ដេត(ជនរងគ្រោះ)បានយកចំពាមបាញ់ទៅលើជនសង្ស័យចំក្បាលខាងឆ្វេងបណ្ដាលបែក រួចមកបក្សពួកជនរងគ្រោះបានចេញមកព័ទ្ធហើយជនសង្ស័យក៏បានរត់ស្រែកថាចោរៗប្លន់អោយគេជួយឡើងមកភូមិបាត់។ចំណែកជនរងគ្រោះត្រូវបានក្រុមគ្រួសារយកមកមន្ទីពេទ្យបង្អែកស្រុក និងបញ្ជូនបន្តទៅព្យាបាលនៅមន្ទីពេទ្យលោកសង្ឃរាជធានីភ្នំពេញ រីឯ ជនសង្ស័យកំពុងព្យាបាលនៅមន្ទីពេទ្យបង្អែកស្រុកលើកដែកដោយកម្លាំងប៉ុស្តិ៍ និងកម្លាំងប្រការពារនៅយាមនិងឃ្លាំមើលប្រចាំការនៅមន្ទីរពេទ្យ៕ដោយ៖ស្អាងជ័យ