ភ្នំពេញ៖ ជនសង្ស័យ៤នាក់ ក្នុងនោះមានស្រីម្នាក់ត្រូវបាននគរបាលខណ្ឌដូនពេញឃាត់ខ្លួនកាលពីវេលាម៉ោង១១និង១៥នាទីព្រឹកថ្ងៃទី៨ ខែកក្កដា ឆ្នាំ២០១៦ នៅចំណុចផ្លូវរថភ្លើង ក្នុងភូមិ៣ សង្កាត់ស្រះចក ខណ្ឌដូនពេញ។

សមត្ថកិច្ចបានឲ្យដឹងថាៈ ជនសង្ស័យដែលឃាត់ខ្លួនរួមមានៈ ទី១ ឈ្មោះដុច ទូច ភេទប្រុស អាយុ២៥ឆ្នាំ ទី២ឈ្មោះប៊ុន ស្រីឡុង ភេទស្រី អាយុ១៥ឆ្នាំ ទី៣ ឈ្មោះហួរ សាំងហៃ ភេទប្រុស  អាយុ៣៥ និងទី៤ឈ្មោះសេង រស្មី ភេទប្រុស អាយុ២៧ឆ្នាំ ក្នុងនោះសមត្ថកិច្ចចាប់វត្ថុតាងមានគ្រឿងញៀនចំនួន៤កញ្ចប់តូច  និងនាំខ្លួនទៅធ្វើការសាកសួរនៅអធិការដ្ឋាននគរបានខណ្ឌដូនពេញតាមនីតិវិធីដើម្បីកសាងសំណុំរឿងបញ្ជូនទៅកាន់សាលាដំបូង៕

ដោយ៖ ស ដារ៉ា