ខេត្តបាត់ដំបង៖ ស្នងការដ្ឋាននគរបាលខេត្តបាត់ដំបង បានឱ្យដឹងថា បុរសម្នាក់បានស្លាប់ភ្លាមៗនៅនឹងកន្លែងកេីតហេតុ ខណៈកម្លាំងសមត្ថកិច្ចនគរបាលជំនាញខេត្ត បានបំបែកសំណុំរឿងឃាតកម្មនេះនៅស្រុកបាណន់ ដោយឃាត់ខ្លួនឃាតករយកមកសាកសួរ ដេីម្បីចាត់ការតាមច្បាប់។
ករណីឃាត់ខ្លួនឃាតកររូបនេះ បានធ្វេីឡេីងកាលពីរសៀលថ្ងៃទី៤ ខែធ្នូ ឆ្នាំ២០២៣ នៅចំណុចដំណាក់ដង្កោ ក្នុងភូមិថ្មី ឃុំកន្ទឺ១ ស្រុកបាណន់ ខេត្តបាត់ដំបង អអនុវត្តតាមយោបល់បញ្ជាដឹកនាំរបស់លោក ឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ដោយមានការចូលរួមពីលោក ស្រេង សុខា អភិបាល នៃគណ: អភិបាលស្រុកបាណន់ និងដោយបានការសម្របសម្រួលលេីនីតិវិធីពីលោក កែវ សុជាតិ ព្រះរាជអាជ្ញានៃអយ្យការអមសាលា ដំបូង ខេត្តបាត់ដំបងផងដែរ។
ក្នុងប្រតិបត្តិការនោះ កម្លាំងនគរបាលការិយាល័យជំនាញនគរបាលព្រហ្មទណ្ឌកម្រិតធ្ងន់ និងកម្លាំងមូលដ្ឋាន បានចុះប្រតិបត្តិការស្រាវជ្រាវនិងបង្ក្រាបករណី ឃា-ត-ក-ម្ម (ប្រើ-ដំ-ប-ង និងពូ-ថៅ) ០១ករ ណីនិងបានធ្វើការនាំខ្លួនជនសង្ស័យម្នាក់ មកកាន់អធិ ការដ្ឋានន គរបាលស្រុកបាណន់ គឺឈ្មោះ ឌឿន ចន្ត្រា ហៅ ត្រា ភេទប្រុស អាយុ ៤០ឆ្នាំ មានទីលំនៅភូមិអូស្រឡៅ ឃុំវត្តតាមិម ស្រុកសង្កែ ខេត្តបាត់ដំបង មកស្នាក់នៅធ្វើស្រែនៅចំណុចដំណាក់ ដង្កោ ភូមិថ្មី ឃុំកន្ទឺ១ ស្រុកបាណន់ ខេត្តបាត់ដំបង នាំមកធ្វេីការសាកសួរនៅអធិការដ្ឋាន នគរបាលស្រុក។
សូមជម្រាបជូនថាមូលហេតុដែលឈានដល់ការឃាត់ខ្លួននេះគឺ កាលពីថ្ងៃទី០៣ខែធ្នូឆ្នាំ២០២៣ មានការភ្ញាក់ផ្អេីលមួយដោយសារប្រទះឃេីញសាកសពជនរងគ្រោះឈ្មោះ សួន ហ៉ីង ភេទប្រុសអាយុ ៤៣ឆ្នាំរស់នៅភូមិឆាយរំពាត់ឃុំកន្ទឺ២ស្រុកបាណន់ ខេត្តបា ត់ដំបង ដេកស្លា-ប់នៅក្នុងគុម្ពោត ព្រៃស្ថិតនៅវាលស្រែភូមិថ្មីឃុំកន្ទឺ១ ស្រុកបាណន់ ខណៈខណៈដែលក្រុមគ្រួសារបស់សពបានប្តឹងមកសមត្ថកិច្ចនគរបាលស្រុកឱ្យជួយស្វែងរកត្បិតជនរងគ្រោះខាងលេីបានចេញពីផ្ទះថាទៅបូមទឹកដាក់ស្រែតាំងពីយប់ថ្ងៃទី៣០ខែវិច្ឆិកាឆ្នាំ២០២៣ ហេីយបាត់ដំណឹងសូន្យឈឹងរហូតមក។
តាមលទ្ធផលនៃការពិនិត្យកន្លែងកេីតហេតុនិងលេីសាកសព សមត្ថកិច្ចសន្និដ្ឋានថា ជនរងគ្រោះបានស្លាប់ដោយករណីឃា-ត-ក-ម្ម ទេីបផ្តេីមធ្វេីការស្រាវជ្រាវស៊េីបអង្កេតលេីករណីនេះ រហូតដល់ការកំណត់អត្តសញ្ញាណជនដៃដល់និងឈានដល់ការឃាត់ខ្លួនតែម្តង ហេីយដកហូតបាន៖
– ពូថៅ ចំនួន ០១ដើម
– ដំបង ចំនួន ០១ដើម
– ពិលពាក់ក្បាល ចំនួន ០១ និងខោជើងវែងពណ៌ខ្មៅ(ស្លៀក ពេល ធ្វើសកម្មភាព) ចំនួន ០១ ។
នៅចំពោះមុខសមត្ថកិច្ចជនដៃដល់រូបនេះបានឆ្លេីយសារភាពថា រូបគេ ពិតជាបានវា-យ និងកា-ប់ជនរងគ្រោះឈ្មោះ សួន ហុីង រហូតដល់ស្លា-ប់ នៅចំណុចកេីតហេតុខាងលេី ហើយយកសាកសពទៅទម្លាក់ចោល នៅក្នុងគុម្ពោតព្រៃជិតនោះប្រាកដមែន កាលពីយប់ថ្ងៃទី ៣០ ខែវិច្ឆិកា ឆ្នាំ ២០២៣ រីឯមូលហេតុដែលនាំទៅដល់ការកា-ប់-សម្លា-ប់បែបនេះ គឺដោយសារខឹងជនរងគ្រោះតែងតែមកឆក់ត្រីនៅក្នុងប្រឡាយខាងក្រោយផ្ទះរបស់ខ្លួនកន្លងមក។
បច្ចុប្បន្ននគរបាលស្រុកកំពុងរៀបចំសំណុំរឿងបញ្ជូនមកផែនជំនាញ ដេីម្បីអនុវត្តបន្តតាមនីតិវិធី ច្បាប់ហេីយ៕
