ភ្នំពេញ៖ មានអំពើឃាតកម្មបាញ់សម្លាប់ជនរងគ្រោះនៅក្នុងស្តារម៉ាត ស្តុបបូកគោ ដោយខ្មាន់កាំភ្លើងកាលពីវេលាម៉ោង៨និង៥០នាទីព្រឹក ថ្ងៃទី១០ ខែកក្កដា ឆ្នាំ២០១៦ នៅក្នុងខណ្ឌចំការមន ។

សាក្សីបាននិយាយថា មុនពេលកើតហេតុ គេបានឃើញជនរងគ្រោះ ជិះរថយន្តឡិចស៊ីសពណ៌ស មួយគ្រឿងចូលមកញាំអីនៅក្នុងស្តារម៉ាត មួយសន្ទុះក្រោយមក ក៏ឮស្នូរកាំភ្លើងបាញ់សំដៅទៅលើជនរងគ្រោះ បណ្តាលឲ្យស្លាប់ភ្លាមៗនៅកន្លែងកើតហេតុ ហើយខ្មាន់កាំភ្លើងបានគេចខ្លួន ប៉ុន្តែប៉ុន្មាននាទីក្រោយមកត្រូវបានសមត្ថកិច្ចចាប់ខ្លួនបាន នៅចំណុចវត្តស្វាយអំពែ និងនាំខ្លួនយកទៅសាកសួរនៅប៉ុស្តិ៍នគរបាលរដ្ឋបាលទន្លេបាសាក់ ។

ប្រភពចុងក្រោយបានឲ្យដឹងថា ជនរងគ្រោះដែលស្លាប់ក្នុងហេតុការណ៍បាញ់សម្លាប់ឈ្មោះ កែម ឡី ៕

ដោយ៖ សុខ ខេមរា

...