ខេត្តកំពង់ស្ពឺៈ កាលពីថ្ងៃទី០៩ ខែកក្តដា ឆ្នាំ២០១៦ សមត្ថកិច្ចនាយកដ្ឋាននគរបាលព្រហ្មទណ្ឌក្រសួងមហាផ្ទៃ និងនគរបាលខេត្តត្បូងឃ្មុំ និងកំពង់ស្ពឺបានសហការបន្តចាប់មុខសញ្ញាប្លន់បាន៤នាក់និងអាវុធAK ២ដើមថែមទៀត សរុប៤ដើម: ១- ជនសង្ស័យឈ្មោះ (ស ម) ភេទប្រុស អាយុ៤៨ឆ្នាំ ទីលំនៅភូមិក្រាំងខ្វាវ ឃុំគីរីវន្ត័ ស្រុកភ្នំស្រួច ខេត្តកំពង់ស្ពឺ មុខរបរ គ្រូបច្ចេកទេសអាវុធនៅសាលា ACO(រថក្រោះ)

ជាអ្នកលក់អាវុធ៧ដើមអោយទៅជនសង្ស័យ តឹក សំអុល ២- ជនសង្ស័យឈ្មោះ (ឆ ធ ) ភេទប្រុស អាយុ៤៥ឆ្នាំ ទីលំនៅភូមិផ្សារកន្ទួត ឃុំសង្កែកំពត ស្រុកឱរ៉ាល់ ខេត្តកំពង់ស្ពឺ មុខរបរសន្តិសុខផ្សារ សហចារីក្នុងអំពើប្លន់។
៣- ជនសង្ស័យឈ្មោះ (យ វ ) ភេទប្រុស អាយុ៣៧ឆ្នាំ ទីលំនៅភូមិផ្សារកន្ទួត ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ សហចារី។
៤- ជនសង្ស័យឈ្មោះ (ភ យ ) ភេទ ប្រុស អាយុ៣៥ឆ្នាំ ទីលំនៅភូមិផ្សារកន្ទួត ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ប្រជាការពារភូមិ បាញ់សម្លាប់ជនរងគ្រោះ។
គួររំលឹកថា ជនសង្ស័យ ឈ្មោះ តឹិក សំអុល បាត់រត់គេចខ្លួនចូលក្នុងព្រៃកាលពីម្សិលមិញ ខណះនគរបាលនាំខ្លួនយកទៅបង្ហាញកន្លែងលាកអាវុធ ហើយពេលសមត្ថកិច្ចចុះដោះដូរកង់ឡាន ជនសង្ស័យបានលួចរត់ តែត្រូវចាប់បានវិញតែប៉ុន្មានម៉ោងក្រោយមក៕

ដោយ វណ្ណះ