ខេត្តកំពង់ស្ពឺ ៖ ពលរដ្ឋទីទាល់ក្រចំនួន៧គ្រួសារទទួលអំណោយសប្បុរសជនពីរាជធានីភ្នំពេញ និងក្រុមការងារអ្នកសារព័ត៌មាននិងមានក្រុមសិល្បករ សិល្បការិនីនៅរាជធានីភ្នំពេញផងដែរ យកទៅចែកជូនពួកគាត់ដល់លំនៅដ្ឋានកាលពីរសៀលថ្ងៃទី០៩ កក្កដា ឆ្នាំ២០១៦នៅត្រពាំងថ្នល់ ឃុំពេជ្រមុន្នី ស្រុកគងពិសី ខេត្តកំពង់ស្ពឺ។
លោក តុង សីហា ភ្នាក់ងារសាព័ត៌មាន”នគរវត្ត”និង”នគរដ្រេហ្គន”បានអោយដឹងថា ៈ តាមរយៈការផ្សព្វផ្សាយរកជំនួយពីសប្បុរសជនក្នុងនិងក្រៅស្រុកដើម្បីជួយដល់ពលរដ្ឋទីទាល់ក្រទាំង៧គ្រួសាររួចមក ក៏មានសប្បុររសជនយើងនៅរាជធានីភ្នំពេញបានចូលរួមឧបត្ថម្ភនូវជាគ្រឿងឧបភោគ បរិភោគនិងថវិការថែមទៀតក្នុងនោះក៏មានព្រះសង្ឃផងដែរ។
កញ្ញា សូដានីតា តារាសម្តែងនិងជាពិធីការិនីដែលបាននាំយកអំណោយទៅផ្តល់ជូនដោយផ្ទាល់បានអោយដឹងថា ដោយមានផ្សព្វផ្សាយតាមសាព័ត៌មានក្នុងស្រុកនិងឃើញពីភាពលំបាកខ្វះខាតរបស់ពួកគាត់បែបនេះហើយកញ្ញាបានគៀងគររកជំនួយពីសប្បុរសជនដែលមាន លោកឧត្តមសេនីយ៍ គៀង ចាន់តួ ស្នងការរងនគរបាលរាជធានីភ្នំពេញបានឧបត្ថម្ភអង្ករ៣៥០គីឡូក្រាម ស្មើ០៧បាវទឹកសីុអីុ០៧យួ មីខ្លាឃ្មុំ០៧កេះនិងថវិការសរុប៣៥មឺុនរៀលនិងលោកសម្បត្តិ សត្យា ៣០ដុល្លា ក្នុងនោះមានសប្បរសជនច្រើនទៀតដូចជា លោកវរសេនីយ៍ឯក ម៉ក់ ហុង អធិការនគរបាលខណ្ឌសែនសុខបានឧបត្ថម្ភជាមធ្យោបាយដល់ក្រុមការងារធ្វើដំណើរ ។ លោកអនុសេនីយ៍ទោ អាំង ភារិទ្ធ ឧបត្ថម្ភត្រីខកំប៉ុងចំនួន ០៧យួ ថ្នាំផ្តាសាយ(ទីហ្វី)២ប្រអប់និងនំសំរាប់ក្មេងៗមួយចំនួន។
ដោយឡែកព្រះភិក្ខុនរសេដ្ឋោ ហេង សារ៉ែន ព្រះគ្រូសូត្រ ធ្វេងគង់នៅវត្តតាំងក្រសាំងខាងជើង ផ្តល់ជាទ័យទាននូវ គ្រឿងឧបភោគបរិភោគ និងសំភារៈមួយចំនួន
ព្រះភិក្ខុម៉ៅ ផ្តល់ទ័យទាននូវ គ្រឿងឧបភោគបរិភោគ និងសំភារៈមួយចំនួន ព្រះតេជគុណ សុីន វណ្ណា គង់នៅវត្តនាគវ័ន្តមេកុដលេខ១២បានឧបត្ថម្ភ អង្ករ១បាវ ស្មើរនិង៥០គីឡូក្រាម មី១កេះ ទឹកសុីអុីវ១យួ ទឹកក្រូច១កេស តែស្ករមួយចំនួននិងបច័្ចយ១៤មុឺនរៀល ព្រះតេជគុណ គង់ វាទគង់នៅវត្តជឹកជ្រុំបានឧបត្ថម្ភ អង្ករ៦៥គីឡូក្រាម មុី១កេសទឹកត្រី២យួ លោកជួន សុជាតិ បានឧបត្ថម១០ដុល្លានិងមធ្យោបាយធ្វើដំណើរសំរាប់ក្រុមការងារ។ កញ្ញាបន្តថា នេះមិនមែនជាលើកទី១ទេសំរាប់កញ្ញាហើយការចុះចែកជូនអំណោយដល់ពលរដ្ឋទីទាល់ក្រនេះគឺកញ្ញាធ្លាប់បានធ្វើរយះពេល៣ឆ្នាំមកហើយៗ កញ្ញានិងបន្តសកម្មភាពនេះបន្តទៀត។
ពលរដ្ឋទីទាល់ក្រដែលទទួលបានអំណោយទាំងនោះមានគ្រួសារទី១ឈ្មោះ មីុ ញ៉េនភេទស្រីអាយុ៨៩ឆ្នាំ គ្រួសារទី២ឈ្មោះយាយ ផាន អាយុ៧៣ឆ្នាំ គ្រួសារទី៣ឈ្មោះ យាយ សែរអាយុ៨១ឆ្នាំ គ្រួសារទី៤ឈ្មោះ យាយ ខុន អាយុ៧០ឆ្នាំគ្រួសារទី៥ឈ្មោះ ម៉ៅ អាយុ៥៥ឆ្នាំ
គ្រួសារទី៦ឈ្មោះ ណាវ អាយុ៥៣ឆ្នាំ គ្រួសារទី៧ឈ្មោះ ផល អាយុ៥៣ឆ្នាំ។
បច្ចុប្បន្នគាត់ស្នាក់នៅភូមិត្រពាំងថ្នល់ ឃុំពេជ្រមុន្នី ស្រុកគងពិសីខេត្តកំពង់ស្ពឺ។
បើសប្បុរសជនទាំងក្នុងនិងក្រៅប្រទេសមានបំណងចូលរួមក្នុងសកម្មភាពមនុស្សធម៌ជួយដល់ទុរគតជន ចាស់ជរា គ្មានទីពឹង ជនពិការ និងក្មេងកំព្រារ ដល់លំនៅដ្ឋានដាច់ស្រយាលតាមរយះ និងក្រៅប្រទេសមានបំណងចូលរួមក្នុងសកម្ម ភាពមនុស្សធម៌ជួយដល់ទុរគតជន ចាស់ជរា គ្មានទីពឹង ជនពិការ និងក្មេងកំព្រារ ដល់លំនៅដ្ឋានដាច់ស្រយាល សង្គមទាំងអស់គ្នា សូមទំនាក់ទំនងមកកាន់ ទូរស័ព្ទលេខ ខ្ញុំបាទ តូ សុផល ប្រធានព័ត៌មាន TNN, លោក សុខ ស៊ីឌី ភ្នាក់ទូរទស្សន៍ហង្សមាស, លោក រាជ សារ៉ាត់ ភ្នាក់ងារទូរទស្សន៍TV3 និង Post News, លោក តុង សីហា ភ្នាក់ងារទូរទស្សន៍TV3 និង នគរវត្តតាម រយៈលេខ 0963899997 តុង សីហា៕
ដោយ តុងសីហា
