ភ្នំពេញ ៖ មនុស្ស៤នាក់រួមនិងថ្នាំញៀនចំនួន២កញ្ចប់តូចត្រូវបានកំលាំងអាវុធហត្ថខណ្ឌសែនសុខសហការណ៍ជាមួយកំលាំងអាវុធហត្ថរាជធានីធ្វើការឃាត់ខ្លួនខណៈកំលាំងសមត្ថកិច្ចដាក់គោលដៅត្រួតពិនិត្យអាវុធជាតិផ្ទុះ។

ករណីឃាត់ខ្លួនជនសង្ស័យទាំង៤នាក់នេះធ្វើឡើងកាលពីវេលាម៉ោង ១២និង៣០នាទីយប់ថ្ងៃទី០៧ខែកក្កដា ឆ្នាំ ២០១៦ ត្រង់ចំណុចមុខយាន្តដ្ឋានជួសជុលរថយន្តPAC ស្ថិតតាមបណ្ដោយផ្លូវ1986 ក្នុងសង្កាត់ភ្នំពេញថ្មី ខណ្ឌសែនសុខ។

ប្រភពព័ត៌មានពីកំលាំងអាវុធហត្ថបានអោយដឹងថាៈ មុននិងឃាត់ខ្លួនគឺកំលាំងអាវុធហត្ថខណ្ឌ សែនសុខ សហការជាមួយកំលាំង អ ហ រាជធានីភ្នំពេញ បានដាក់ប៉ុស្តិ៍ត្រួតពិនិត្យអាវុធជាតិផ្ទុះ ពេលនោះមានជនសង្ស័យមានគ្នា៤នាក់ជិះម៉ូតូ២គ្រឿងគួសង្ស័យក៏ឃាត់ឆែកឆេរកឃើញថ្នាំញៀនចំនួន២កញ្ចប់តូចទើបឃាត់ខ្លួនតែម្តង។

ជនសង្ស័យទី១ ឈ្មោះ នាថ មុនីងែត ភេទប្រុស អាយុ២១ឆ្នាំ មុខរបរ ធ្វើការរោងចក្រ ស្នាក់នៅ ភូមិ បន្លាស្អិត សង្កាត់ឃ្មួញ សែនសុខ ទី២ឈ្មោះ ណុច ផាត ភេទប្រុស អាយុ២៥ឆ្នាំ មុខរបរ ធ្វើការរោងចក្រ ស្នាក់នៅភូមិជាមួយគ្នា ទី៣ ឈ្មោះ សាត សាទ្រី ភេទប្រុស អាយុ ២០ឆ្នាំ មុខរបរ ធ្វើការរោងចក្រ ស្នាក់នៅភូមិភ្នំពេញថ្មី សង្កាត់ភ្នំពេញថ្មី សែនសុខ និងទី៤ឈ្មោះ តុង កែវកុសល់ ភេទប្រុសអាយុ ២០ឆ្នាំ មុខរបរសិស្សសកលវិទ្យាល័យអាសីុអឺរ៉ុប ស្នាក់នៅភូមិជាមួយគ្នា។

ប្រភពដដែលបន្តទៀតថាសម្ភារចាប់យកមាន
ម៉ូតូចំនួន២គ្រឿងគឺ១គ្រឿងម៉ាកវីវ៉ា សេរី2004 ពណ៍ខ្មៅពាក់ស្លាកលេខ ភ្នំពេញ1D 5590 ១គ្រឿងទៀតម៉ាកស្កុបពីពណ៍ស សេរី2013 ពាក់ស្លាកលេខ 1BF. 5287 និងថ្នាំញៀនចំនួន២កញ្ចប់តូច។
ក្រោយពេលឃាត់ខ្លួនជនសង្ស័យទាំង៤នាក់រួមនិងវត្ថុតាងត្រូវបញ្ជូនទៅកាន់មូលដ្ឋានកងរាជអាវុធហត្ថខណ្ឌសែនសុខដើម្បីកសាងសំណុំរឿងបញ្ជូនទៅកាន់ទីបញ្ជាការដ្ឋាកងរាជអាវុធហត្ថរាជធានីចាត់ការបន្តតាមនីតិវិធី៕

 

ដោយតុង សីហា