ភ្នំពេញ៖ រថយន្តសណ្តោងរបស់ផែស្ងួតសុកនបេីកលឿនជ្រុលទៅបុកនិងកិនសិស្សសាលាម្នាក់ពីក្រោយខណៈកំពុងជិះម៉ូតូបណ្តាលឱ្យស្លាប់ភ្លាមៗយ៉ាងអាណោចអាធ័ម។
ហេតុការណ៍នេះបានកេីតឡេីងកាលពីវេលាម៉ោង១០និង៤០នាទីព្រឹកថ្ងៃទី២៧ ខែធ្នូ ឆ្នាំ២០២៣ នៅចំណុចក្រោមស្ពានអាកាសឈ្នះ=ឈ្នះ ស្ថិតក្នុងភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ។
ជនរងគ្រោះឈ្មោះព្រីង លៃហួយ ភេទប្រុស អាយុ១៣ឆ្នាំ ជាសិស្ស ស្នាក់នៅភូមីអូដឹម សង្កាត់ចោមចៅទី៣ ខណ្ឌពោធិ៍សែនជ័យ។
ចំណែកតៃកុងរថយន្តឈ្មោះគាត គឿន ភេទប្រុស អាយុ២៧ឆ្នាំ ស្នាក់នៅភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញជនរងគ្រោះជិះម៉ូតូម៉ាកស្កូបពី ពណ៌ខ្មៅ ពាក់ស្លាកលេខភ្នំពេញ1KL -7610 ធ្វេីដំណេីរតាមបណ្តោយផ្លូវឈ្នះ=ឈ្នះ ក្នុងទិសដៅពីត្បូងទៅជេីងដែលទេីបនឹងចេញពីសាលាបំណងទៅផ្ទះ ខណៈមកដល់ចំណុចកេីតហេតុស្រាប់តែមានរថយន្តសណ្តោង ក្រុមហ៊ុនផែស្ងូតសុកន ពណ៌ខៀវ ពាក់ស្លាកលេខភ្នំពេញ3D-8479 ធ្វេីដំណេីរ
មកពីក្រោយក្នុងល្បឿនលឿនជ្រុលទៅបុកនិងកិនបណ្តាលឱ្យជនរងគ្រោះស្លាប់នៅកន្លែងកេីតហេតុ។ភ្លាមៗនោះតៃតុងរថយន្តត្រូវបានសមត្ថកិច្ចចរាចរណ៍នៅគោលដៅនោះឃាត់ខ្លួនបានប្រគល់ទៅឱ្យនគរបាលប៉ុស្តិ៍ចោមចៅទី៣។
ក្រោយកេីតហេតុសមត្ថកិច្ចជំនាញបានធ្វេីការវាស់វែងយករថយន្តនិងម៉ូតូទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំដោះស្រាយនៅពេលក្រោយ។ ចំណែកសពជនរងគ្រោះត្រូវបានប្រគល់ទៅឱ្យក្រុមគ្រួសារយកទៅធ្វេីបុណ្យតាមប្រពៃណី៕
ដោយ៖សុខាសែនជ័យ
