ភ្នំពេញ ៖ បុរសម្នាក់បេីករថយន្តស្តារិចមួយគ្រឿង រេចង្កូតឡើងសួនទ្រូងផ្លូវ បុកបង្គោលភ្លើងបំភ្លឺផ្លូវបាក់អស់មួយដើមខ្ទេច ទាំងរថយន្ត ព្យាយាមបើករត់ តែត្រូវបានសមត្ថកិច្ចឃាត់ជាប់ កាលពីវេលាពីវេលាម៉ោង១២និង៤៥នាទីរសៀលថ្ងៃទី១២ ខែមករា ឆ្នាំ២០២៤ នៅតាមផ្លូវជាតិលេខ៣ ភូមិព្រៃកំបុត សង្កាត់ចោមចៅទី២ ខណ្ឌពោធិ៍សែនជ័យ ។
តាមប្រភពនៅកន្លែងបានឱ្យដឹងថា មុនកើតហេតុ រថយន្តម៉ាកស្តារិច ពណ៌ស ពាក់ស្លាកលេខ កំពត 2A-8007 បើកបរដោយបុរសចំណាស់ម្នាក់ រួមដំណើរជាមួយប្រពន្ធ
បើកពីត្បូងទៅជើងល្បឿនលឿន សុខៗស្រាប់តែរេចង្កូតទាញទៅឆ្វេង ឡើងសួនទ្រូងផ្លូវ បុកបង្គោលភ្លើងបំភ្លឺផ្លូវបាក់រាបមួយដើម រថយន្តខ្ទេចមុខ ហោះធ្លាយទៅបំណែកផ្លូវម្ខាងទៀតរងការខូចខាត។
ក្រោយកើតហេតុ សមត្ថកិច្ចខាងខណ្ឌពោធិ៍សែនជ័យចុះទៅ ពិនិត្យផលប៉ះពាល់ជាក់ស្តែង រួចប្រគល់រថយន្ត និងអ្នកបើកបរឱ្យទៅការិយាល័យចរាចរជើងគោក ស្នងការក្រុងភ្នំពេញ យកទៅរក្សាទុក រងចាំដោះស្រាយពេលក្រោយ ៕
ដោយ៖សុខាសែនជ័យ
