កីឡាករអន្តរជាតិអុីតាលី Graziano Pelle បានយល់ព្រមផ្លាស់ចេញពីក្រុម Southampton នៅក្របខ័ណ្ឌអង់គ្លេសPremier League ទៅលេងឲ្យក្រុម Shandong Luneng នៅប្រទេសចិនវិញក្នុងតម្លៃ១២ ខ្លួនលានផោន ។

ខ្សែប្រយុទ្ធវ័យ៣០ឆ្នាំរូបនេះបានផ្លាស់ពីក្រុម Feyenoordរបស់ហុល្លង់មកកាន់ ប្រទេសអង់គ្លេសកាលពីឆ្នាំ២០១៤ ដោយស៊ុតបាល់បានចំនួន៣០គ្រាប់ក្នុងការបង្ហាញ ខ្លួន៨១ ប្រកួតឲ្យក្រុមSouthampton ។

Graziano Pelleបានជាប់ជម្រើសជាតិអុីតាលីក្នុងពេលលេងឲ្យក្រុមSouthampton ហើយរូបគាត់ក៏បានចូលរួមប្រកួតនៅយូរ៉ូឆ្នាំ២០១៦ដែលទើបតែចប់ក្នុងប្រទេស បារាំងនាពេលថ្មីៗនេះផងដែរ ។

Pelleគឺជាកីឡាករទីបីហើយដែលបានចាកចេញពីក្រុម Southampton បន្ទាប់ពី កីឡាករ Victor Wanyama បានផ្ទេរទៅកាន់ Tottenham ហើយកីឡាករ Sadio Mane បានផ្លាស់ទៅកាន់ Liverpool ។ ប៉ុន្តែក្លិប នេះបានទិញកីឡាករ Pierre-Emile Hojbjerg ពីក្លិប Bayern Munich ម្ចាស់ជើងឯក អាល្លឺម៉ង់ Bundesliga ។

បច្ចុប្បន្នក្លិប Shandong Luneng កំពុងតែដឹកនាំដោយ លោក Felix Magath អតីតគ្រូបង្វឹករបស់ក្លិប Fulham ។ ក្លិប នេះក៏ទើបតែទិញខ្សែប្រយុទ្ធ Papiss Cisse ពីក្លិប Newcastle United ដើម្បីដណ្តើមជើង ឯកកំពូល របស់ប្រទេសចិន ៕

ដោយ៖ ដេវីត