ភ្នំពេញ ៖ មនុស្ស២នាក់បានរងរបួសធ្ងន់ហើយត្រូវគេជួយដឹកយកទៅសង្គ្រោះនៅមន្ទីរពេទ្យ ខណៈជួបគ្រោះថ្នាក់ចរាចររវាងរថយន្តបុកម៉ូតូហើយ ខ្ទាតឡើងសួនច្បារចែកទ្រូងផ្លវូទាំងឡាននិងម៉ូតូ។

ហេតុការណ៍នេះបានកើតឡើងកាលពីវេលម៉ោង០៣និង១០នាទីយប់ថ្ងៃទី១៤ខែកក្តដា ឆ្នាំ២០១៦ចំណុចផ្លូវបំបែក ភ្នំពេញហាណូយ ក្នុងសង្កាត់ភ្នំពេញថ្មី ខណ្ឌសែនសុខ។

អ្នកឃើញហេតុការណ៍បានអោយដឹងថាមុនពេលកើតហេតុគេឃើញមានបុរស២នាក់ជិះម៉ូតូ១គ្រឿងម៉ាប្លូសា ពណ៍ក្រហមពាក់ស្លាកលេខភ្នំពេញ1FK.7941 ក្នុងទិសដៅពីលិចទៅកើតបំណងឆ្លងផ្លូវបត់ឆេ្វងស្រាប់តែមានរថយន្ត១គ្រឿងម៉ាក ហ្វររឺនឺ ពណ៍ទឹកប្រាក់ពាក់ស្លាកលេខភ្នំពេញ 2I..0276 បើកបរក្នុងទិសដៅពីជើងទៅត្បូងក្នុងល្បឿនលឿនក៏បុកនិងម៉ូតូពេញទំហឹងបណ្តាលអោយម៉ូតូនិងរថយន្តខ្ទាតឡើងសួនច្បារចែកទ្រូងផ្លវូទាំងពីរ ចំណែកអ្នកបើកម៉ូតូបានរងរបួសធ្ងន់ទាំង២នាក់ត្រូវបានរថយន្តសាម៊ុយដឹកយកទៅសង្គ្រោះនៅមន្ទីរពេទ្យកាល់ម៉ែត។

សមត្ថកិច្ចនគរបាលចរាចរដែលចុះទៅផ្ទាល់បានអោយដឹងថាៈ ករណីគ្រោះថ្នាក់ចរាចរនេះគឺអាចបណ្តាលមកពីអ្នកបើកបរខ្វះការប្រុងប្រយ័ត្នរឺអាចមកអ្នកបើកបរមានជាតិស្រវឹង។

ក្រោយកើតហេតុរថយន្តនិងម៉ូតូត្រូវសមត្ថកិច្ចយកទៅរក្សារទុកនៅការិយាល័យនគរបាលចរាចររាជធានីភ្នំពេញរងចាំដោះស្រាយនៅពេលក្រោយតាមនិតិវិធី៕

ដោយៈ តុង សីហា