ការធ្វើបាតុកម្ម ការបាញ់សម្លាប់ ការប្រកាន់ពូជសាសន៍បានគ្របដណ្តប់បើនៅទីក្រុងដាឡាស អាមេរិក ជាច្រើនថ្ងៃកន្លងមកបង្ករឲ្យមានភាពហ្វឹកវរនៅទីនោះ។ ក្រោយពេលជនស្បែកខ្មៅម្នាក់បានសម្លាប់នគរបាលស្បែកស៥នាក់ ដើម្បីជាការសងសឹក។

ការរើសអើងជាតិសាសន៍ ពណ៌សម្បុល កំពុងតែគ្របដណ្តប់នៅអាមេរិក មិនមែនតែពេលនេះឡើយគឺបានកើតឡើងតាំពីឆ្នាំ១៩០០ មកម៉្លេះ។ ការរើសអើងប្រកាន់ពូជសាសន៍រវាងពួកស្បែកសនិងស្បែកខ្មៅ មិនមែនមាននៅតែក្នុងចិត្តទេ តែវាបានស្តែងចេញជាអំពើមនុស្សឃាត ដែលមិនអាចឲ្យយើងទទួលយកបាន។

លោក បារ៉ាក់ អូបាម៉ា បានអញ្ជើញទៅដល់ក្រុងដាឡាស ដើម្បីទៅចូលរួមពិធីបុណ្យសព នៃមន្ត្រីនគរបាលស្បែកសទាំង៥រូប។ បន្ទាប់ពីលោក អូបាម៉ា ក៏មានមុខលោក George W.Bush អតីតប្រធានាធិបតី ដែលនឹងត្រូវធ្វើសន្ទរកថាផងដែរ។

លោក អូបាម៉ា ដែលធ្លាប់ត្រូវបានគេរិះគន់ថា បានព្រងើយកន្តើយមិនសូវយកចិត្តទុកដាក់ក្នុងរឿងស្អប់ខ្ពើមគ្នារវាងជនស្បែកសនិងស្បែកខ្មៅនេះ ក៏មានគម្រោងជួបជាមួយនឹងមនុស្សម្នាក់គឺលោក David Brown។ លោកម្នាក់នេះ គឺជាមេនគរបាលក្រុងដាឡាស ហើយបានក្លាយជាមនុស្សដែលគេគោរពជាខ្លាំង បន្ទាប់ពីលោកបានថ្លែងសារអំពាវនាវឲ្យប្រជាជនឈប់ស្អប់គ្នា ហើយកុំយកករណីបាញ់ប្រហារដោយងងិតងងុលនេះ មកឲ្យបំបាក់សាមគ្គីជាតិបាន។

កាលពីសប្តាហ៍មុននៅ Louisiane និង Mennisota  នគរបាលស្បែកសបានសម្លាប់បុរសជនជាតិស្បែកខ្មៅពីរនាក់ ដោយគ្មានមូលហេតុ។ ហេតុការណ៍នេះត្រូវបានគេថតបានជាវីដេអូ ដែលគេអាចឃើញពីសកម្មភាពអមនុស្សធម៌ និងចិត្តស្អប់ខ្ពើមទៅលើជនរងគ្រោះដែលជាជនស្បែកខ្មៅ។ វីដេអូនេះ បានបង្ករជាទឹកចិត្តខឹងសម្បារពីសំណាក់សហគមជនជាតិស្បែកខ្មៅទូទាំងសហរដ្ឋអាមេរិកទៅលើទង្វើរើសអើងរបស់ពួកកម្លាំងសមត្ថកិច្ចដែលជាជនស្បែកស។ ជាការសងសិកជនស្បែកខ្មៅឈ្មោះ Micah Johnson បានយកកាំភ្លើងទៅបាញ់សម្លាប់មន្ត្រីសមត្ថកិច្ចស្បែកស ៥នាក់នៅក្រុងដាឡាស។

ទង្វើសងសិកទៅវិញទៅមកបានបង្កជាបរិយាកាសយ៉ាងតានតឹងអួរអាប់ ការស្អប់ខ្ពើម កំហឹងពុះកញ្ជ្រោលកំពុងនៅពេញអារម្មណ៍ ហើយវាកំពុងតែហែកប្រជាជនអាមេរិកជាពីរចំណែក ម្ខាងពួកស្បែកស ម្ខាងពួកស្បែកខ្មៅ។ មេនគរបាលធំៗនៅតាមរដ្ឋឬក្រុងនានាបានប្រកាន់ជំហររៀងៗខ្លួន។ តែយ៉ាងណាគ្រប់គ្នាទទួលស្គាល់ថា សហរដ្ឋអាមេរិកកំពុងស្ថិតនៅលើភ្នំភ្លើងនៃកំហឹងប្រកាន់ពូជសាសន៍៕

 

ប្រែសម្រួល៖ សាធី