ភ្នំពេញ៖ ជាងតទឹកភ្លើងម្នាក់ព្រោះតែគ្មានលុយហើយបានខំមកធ្វើការងារអោយគេនៅការដ្ឋានផ្ទះល្វែងមួយកន្លែងដើម្បីបានលុយយកទៅផ្គត់ផ្គង់ជីវភាពប្រចាំថ្ងៃព្រោះប្រពន្ធទើបតែសម្រាលកូនបាន២ខែស្នាក់នៅបន្ទប់ជួល។

ហេតុការណ៍នេះបានកើតឡើងកាលពីវេលាម៉ោង១៧និង៣០នាទីល្ងាចថ្ងៃទី១៤ខែកក្តដា ឆ្នាំ២០១៦ នៅចំណុចការដ្ឋានសំណង់ផ្ទះល្វែង ភូមិស្លែងរលើង សង្កាត់ទឹកថ្លា ខណ្ឌសែនសុខ។

ជនរងគ្រោះមានឈ្មោះ ពៅ លាស់ ភេទប្រុស អាយុ២៩ឆ្នាំមុខរបរជាងភ្លើង ស្នាក់ផ្ទះជួលភូមិត្រពាំងឈូក សង្កាត់ទឹកថ្លា ខណ្ឌសែនសុខ មានស្រុកកំណើតភូមិគួយ ឃុំដូនសរ ស្រុកស្វាយជ្រុំ ខេត្តស្វាយរៀង។

ម៉ូតូដែលចោរលួចយកទៅនោះម៉ាកហុងដាសេ១២៥ពណ៍ខ្មៅពាក់ស្លាកលេខភ្នំពេញ1CO.2615 ។

តាមការអោយដឹងពីជនរងគ្រោះដែលបានមកដាក់ពាក្យបណ្តឹងប្រាប់សមត្ថកិច្ចថាៈ មុនពេលកើតហេតុជារៀងរាល់ថ្ងៃរូបគេតែងតែមកធ្វើការនៅចំណុចខាងលើដោយមកធ្វើការតទឹកភ្លើងអោយម្ចាស់ផ្ទះដើម្បីបានប្រាក់យកទៅផ្គត់ផ្គង់ជីវភាពប្រចាំថ្ងៃព្រោះរូបគេកំពុងតែមានការខ្វះខាតដោយប្រពន្ធទើបតែសំរាលកូនបាន២ខែហើយជួលបន្ទប់គេស្នាក់នៅឥឡូវត្រូវចោរលួចបាត់ទៀត។ ជនរងគ្រោះបន្តទៀតថានៅថ្ងៃកើតហេតុរូបគេបានជិះម៉ូតូខាងលើមកធ្វើការដូចសព្វដងហើយយកទៅទុកនៅក្នុងផ្ទះល្វែងដោយចាក់សោរ កនិងសោរ ជន្ទុលត្រឹមត្រូវរួចឡើងទៅធ្វើការនៅជាន់ទី២លុះដល់ម៉ោង១៧និង៣០នាទីល្ងាចរូបគេក៍ចុះមកក្រោមដើម្បីត្រឡប់ទៅផ្ទះវិញស្រាប់តែបាត់ម៉ូតូតែម្តងទៅ។

ក្រោយកើតហេតុរូបគេបានមកដាក់ពាក្យបណ្តឹនៅប៉ុស្តិ៍នគរបាលរដ្ឋបាលទឹកថ្លាទាំងក្តីអស់សង្ឃឹម៕

ដោយៈ តុង សីហា