ប្រទេសម៉ុងហ្គោលី៖ រយៈពេលចំនួន៦ម៉ោង សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិតបានអញ្ជើញដល់រដ្ឋធានីអូឡង់បាទ័រ ប្រទេសម៉ុងហ្គោលី ប្រកបដោយសុវត្ថិភាព។ មុននេះបន្តិចសម្តេចតេជោ បានថ្លែងប្រាប់នៅផេកហ្វេសប៊ុកថាៈ ពេលនេះខ្ញុំ និងភរិយាព្រមទាំងគណៈប្រតិភូកម្ពុជាបានមកដល់រដ្ឋធានីអូឡង់បាទ័រប្រទេសម៉ុងហ្គោលី ដោយសុវត្ថិភាពហើយ បន្ទាប់ពីការហោះហើររយះពេលជាង៦ម៉ោង និងចុះចតចាក់សាំង១ម៉ោងនៅក្នុងប្រទេសចិន។ ម៉ោងក្នុងប្រទេសម៉ុងហ្គោលីយឺតជាងម៉ោងក្នុងប្រទេសយើងចំនួន២ម៉ោង។

ទោះជាក្នុងដំណើរបេសកកម្ម ដ៏ឆ្ងាយយ៉ាងណាក៏ដោយសម្តេចតេជោ និងសម្តេចកិត្តិព្រឹទ្ធបណ្ឌិត តែងតែផ្តាំផ្ញើសួរសុខទុក្ខ និងជូនពរដល់បងប្អូនជនរួមជាតិជួបតែសេចក្តីសុខ៕

ដោយ៖ សុខ ខេមរា