ខេត្តស្វាយរៀង: បុរសម្នាក់បើកគោយន្ត កែច្នៃដឹកដីបត់ឆ្វេង មិនប្រយ័ត្ន ត្រូវម៉ូតូមកពីក្រោយ ស្របទិសគ្នា ជាន់ហ្វ្រាងមិនទាន់ បុកពេញទំហឹងបណ្ដាលអោយស្លាប់គួរអោយសង្វេគនៅស្រុករំដួល។

យោងតាមសមត្ថកិច្ចនគរបាលស្រុកបានអោយដឹងរសៀលថ្ងៃទី១៥ខែកុម្ភះឆ្នាំ២០២៤នេះថាបុរសរងគ្រោះមានឈ្មោះ អ៊ូ ផាត់ អាយុ ៣០ឆ្នាំ រស់នៅ ភូមិត្រពាំងពពេល ឃុំអំពិល ស្រុករមាសហែក ខេត្តស្វាយរៀង។

ប្រភពបន្តថាកាលពីវេលាម៉ោង៩និង១០នាទីយប់ ថ្ងៃទី១៤ ខែ កុម្ភៈ ឆ្នាំ ២០២៤ នៅចំណុចលើផ្លូវជាតិលេខ ១៣ ស្ថិតក្នុង ភូមិត្រពាំងគ្រួស ឃុំជ្រុងពពែល ស្រុករំដួល មានករណីគ្រោះថ្នាក់ចរាចរណ៍រវាងម៉ូតូម៉ាកហុងដាសរសេរ 125 ពណ៌ខ្មៅ ស៊េរីឆ្នាំ 2015 ពាក់ស្លាកលេខ1R.9659
បើកបរដោយបុរសម្នាក់ក្នុងទិសដៅពីត្បូងទៅជើងខណះនោះស្រាប់តែ មានបុរសបើកបរគោយន្តកែច្នៃដឹកដី មួយគ្រឿង ម្នាក់មិនស្គាល់អត្តសញ្ញាណដោយធ្វើដំណើរស្របទិសគ្នាហើយបានបត់ឆ្វេងមិនប្រយត្ន័ក៏បុកគ្នាយ៉ាងពេញទំហឹងលាន់សូរដូចរន្ទះបង្កការភ្ញាក់ផ្អើលដល់អ្នកភូមិទាំងយប់។

ក្រោយមក អ្នកបើកបរគោយន្ត ឃើញសភាពការណ៏មិនស្រួល ក៏បានបើកគេចខ្លួន ដោយយកគោយន្ត ទៅផ្លុងចោល នៅកណ្ដាល វាលស្រែត្រង់ ចំណុចភូមិ ទួលទ្រា ឃុំជ្រុងពពេល ស្រុករំដួល ខេត្តស្វាយរៀងរួវរត់គេចខ្លួនតែម្ដង។

ចំពោះមធ្យោបាយ ធ្វើដំណើរទាំង២គ្រឿង សមត្ថកិច្ចធ្វើការវាស់វែងនិងអូសយកមករក្សាទុកនៅប៉ុស្តិ៍នគរបាលរដ្ឋបាលជ្រុងពពែលចំណែកសពសមត្ថកិច្ចបានប្រគល់អោយក្រុមគ្រួសារយកមកធ្វើបុណ្យតាមប្រពៃណីទាំងក្ដុកក្ដួលបំផុត៕