ភ្នំពេញ៖ បុរសម្នាក់បានបញ្ចប់ជីវិតខ្លួនឯងដោយចងកសម្លាប់ខ្លួនក្រោយពីជម្លោះជាមួយនារីជាសង្សារនឹងយកកាំបិតដេញចាក់ បង្កការភ្ញាក់ផ្អេីលកាលពី វេលាម៉ោង ០៨និង៣០នាទីថ្ងៃទី១៧ខែកុម្ភៈឆ្នាំ២០២៤ នៅចំនុច បុរីអឹលវីផ្ទះលេខG1A12 ផ្លូវ02 ភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យរាជធានីភ្នំពេញ ។
ជនរងគ្រោះ(សព)ឈ្មោះណឹម ម៉ៃ ភេទប្រុស អាយុ២៦ឆ្នាំ ស្រុកកំណើត ភូមិត្រពាំងរុនឃុំតានីស្រុកអង្គជយ័ខេត្តកំពត បច្ចុប្បន្ន ស្នាក់នៅកន្លែងកេីតហេតុខាងលើ។
យោងតាមការបំភ្លឺរបស់ឈ្មោះ ទូច វីស្សាភេទស្រី អាយុ២២ឆ្នាំ ត្រូវជា មិត្តស្រីរបស់ ជនរងគ្រោះបានឱ្យដឹងថានៅមុនពេលកេីតហេតុ រូបគាត់និងជនរងគ្រោះ បានឈ្លោះគ្នា ហេីយជនរងគ្រោះបានយកកូនកាំបិត ដេញគាត់ ពេលនោះគាត់ភ័យពេកបានរត់ទៅ បន្ទប់ មិត្តភ័ក្ដិ ឱ្យជួយ នៅពេលនោះ មិត្តភក្តិរបស់គាត់និងគាត់ ក៏បាន ចុះមកខាងក្រោម មួយ សន្ទុះក្រោយមក ក៏ស្ងាត់ ពួក គាត់ទាំងពីរនាក់ បានឡើងមេីល ស្រាប់តែឃើញជនរងគ្រោះ ចងកសម្លាប់ខ្លួន បាត់ទៅហេីយ នៅជាប់និងចំរឹងដែកបង្អួច ។
ពេលនោះគាត់ក៏បានរាយការណ៍ទៅសមត្ថកិច្ចតែម្ដង តាមការពិនិត្យនិងកោសល្យវិច័យរបស់សមត្ថកិច្ចនគរបាលបច្ចេកទេសវិទ្យាសាស្ត្រស្នងការនគរបាលរាជធានីភ្នំពេញបានឱ្យដឹងថាជនរងគ្រោះស្លាប់ដោយសារចងកសម្លាប់ខ្លួន ពិតប្រាកដមែន ហេីយមាន សារធាតុញៀននៅក្នុងខ្លួន ។
បច្ចុប្បន្ន សព ត្រូវបានប្រគល់ទៅឱ្យក្រុមគ្រួសារយកទៅធ្វើបុណ្យតាមប្រពៃណី៕ដោយ៖សុខាសែនជ័យ
