ភ្នំពេញ៖ នារសៀលថ្ងៃទី១៥ ខែកក្កដា ឆ្នាំ២០១៦ នៅទីស្ដីការក្រសួងអប់រំ យុវជន និងកីឡា មានរៀបចំកិច្ចប្រជុំស្ដីពី ការត្រៀមរៀបចំដំណើរការប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា សម័យប្រឡង «២២ សីហា ២០១៦ » ក្រោមការចូលរួមពីលោកបណ្ឌិត ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ដោយមានវត្តមានចូលរួមពីលោក លោកស្រីថ្នាក់ដឹកនាំ និងប្រធានអង្គភាពពាក់ព័ន្ធជាច្រើនរូបទៀត។

កិច្ចប្រជុំនេះផ្ដោតសំខាន់លើ ៖ ដំណើរការជ្រើសរើសមុខវិជ្ជាជម្រើស ការរៀបចំត្រួតពិនិត្យមណ្ឌលប្រឡងនៅតាមរាជធានី-ខេត្ត ការរៀបចំលិខិតបទដ្ឋានស្នើសុំកិច្ចសហការជាមួយស្ថាប័នពាក់ព័ន្ធ និងដំណើរការរៀបចំជ្រើសរើសអនុរក្ស អ្នកកំណែមុខវិជ្ជាជាដើម៕

ដោយ៖ សុខ ខេមរា