ភ្នំពេញ៖ យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិបានឱ្យដឹងថា មនុស្សចំនួន ០៤នាក់បានស្លាប់យ៉ាងអាណោចអាធ័មនៅតាមដងផ្លូវ និងរបួសធ្ងន់ស្រាល ១៣នាក់ក្នុងករណីគ្រោះថ្នាក់ចរាចរណ៍ទូទាំងប្រទេស នាថ្ងៃទី២៣ ខែកុម្ភៈ ឆ្នាំ២០២៤ម្សិលមិញនេះ និងកើតឡើងចំនួន ០៩លើក។ ដូច្នេះសូមគោរពច្បាប់ចរាចរណ៍ស្មើនឹងគោរពជីវិតខ្លួនឯង! ពាក់មួកសុវត្ថិភាពម្នាក់ ការពារជីវិតមនុស្សម្នាក់!
ជាក់ស្ដែងក្នុងករណីគ្រោះថ្នាក់ចរាចរណ៍ផ្លូវគោកបានកើតឡើងចំនួន០៩លើក (យប់ ០៨លើក) បណ្តាលឱ្យមនុស្សស្លាប់ ០៤នាក់ (ស្រី ០០នាក់), រងរបួសសរុប ១៣នាក់ (ស្រី ០៥នាក់), រងរបួសធ្ងន់ ០៧នាក់ (ស្រី ០៤នាក់) រងរបួសស្រាល ០៦នាក់ (ស្រី ០១នាក់) និងមិនពាក់មួកសុវត្ថិភាព ០៤នាក់ (យប់ ០៤នាក់)។
របាយការណ៍ដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមាន៖ ល្មើសល្បឿន០៩លើក (ស្លាប់០៤នាក់, របួសធ្ងន់០៧នាក់, ស្រាល ០៦នាក់)៕
