ភ្នំពេញ៖ កម្លាំងនគរបាលខណ្ឌសែនសុខដឹកនាំដោយវរសេនីយ៍ឯក ម៉ក់ ហុង អធិការនគរបាលខណ្ឌសែនសុខ ចុះបង្ក្រាបក្រុមជួញដូរថ្នាំញៀនដ៏ធំ ជាលទ្ធផលឃាត់ខ្លួនជនសង្ស័យ៤នាក់រួមទាំងថ្នាំញៀន២កញ្ចប់ធំ អាវុធខ្លីមួយដើម និងឧបករណ៍មួយចំនួនទៀត។

ករណីចុះបង្ក្រាបនេះធ្វើឡើងនៅវេលាម៉ោង៨ និង២០នាទីយប់ថ្ងៃទី១៨ ខែកក្កដា ឆ្នាំ២០១៦ ស្ថិតនៅភូមិដីថ្មី ក្នុងសង្កាត់ភ្នំពេញថ្មី ខណ្ឌសែនសុខ។

បច្ចុប្បន្នជនសង្ស័យទាំង៤នាក់រួមទាំងវត្ថុតាងត្រូវបានបញ្ជូនទៅអធិការនគរបាលខណ្ឌសែនសុខដើម្បីកសាងសំណុំរឿងចាត់ការបន្ត៕

ដោយ៖ តុង សីហា