ភ្នំពេញ៖ បុរសម្នាក់ស្រវឹងស្រា បានបើករថយន្តកូរ៉ូឡា ក្នុងល្បឿនយ៉ាងលឿន ហេីយបួងចង្កូតមិនទាន់បាន​ជ្រុល​​​ទៅបុករថយន្តLANG CRIUSCER ចំចំហៀងខាងឆ្វេង ពេញទំហឹង បណ្តាលឱ្យរងការខូចខាតយ៉ាងដំណំ ។

ហេតុការណ៍នេះ បានកេីតឡេីងកាលពីវេលាម៉ោង១២នឹង៤៥នាទីរំលងអាធ្រាតឈានចូលថ្ងៃទី៣១ ខែកក្កដា ឆ្នាំ២០១៥ នៅចំណុចមុខក្រុមហ៊ុនខេអេភីសង្កាត់បឹងកក់ទី២ ខណ្ឌទួលគោក ។

​តាមប្រភពពីសន្តិសុខដែលបានឃើញហេតុការណ៍នេះបានឱ្យដឹងថា មុនពេលកើតហេតុគេបានឃើញ រថយន្តLANG CRIUSCER ពណ៍ខ្មៅ ពាក់ស្លាកលេខភ្នំពេញ 2G-4163 បើកតាមបណ្តោយផ្លូវលេខ៥៩៨ ទិសដៅពីត្បូងទៅជើង ខណះមកដល់ចំណុចកើតហេតុស្រាប់តែមានរថយន្តកូរ៉ូឡា ពណ៍ខ្មៅ ពាក់ស្លាកលេខ ភ្នំពេញ 2I-9896 បើកតាមបណ្តោយផ្លូវ​១៩៨៦ ទិសដៅពីលិចទៅកើតក្នុងល្បឿនយ៉ាងលឿន ហើយបានបួងចង្កូតបត់ស្តាំឡើងទៅផ្លូវលេខ៥៩៨ ដោយមិនបង្អង់ល្បឿន បានជ្រុលទៅបុករថយន្តLANG CRIUSCER ចំពីមុខពេញទំហឹង បណ្តាលឱ្យរងការខូច ខាតយ៉ាងដំណំ និងបណ្តាលឱ្យម្ចាស់រថយន្តLANG CRIUSCER រងរបួសបែកមុខបែកមាត់ ។

​ក្រោយកេីតហេតុសមត្ថកិច្ចជំនាញចុះធ្វើការវាស់វែងស្ទូចយករថយន្តទាំង២គ្រឿងទៅរក្សាទុកនៅការិយាល័យនគរបាលចរាចរណ៍ជើងគោករាជធានីភ្នំពេញ រង់ចាំដោះស្រាយតាមច្បាប់ ៕ស ដារ៉ា