ភ្នំពេញ៖ កម្លាំងសមត្ថកិច្ចខណ្ឌចំការមន បានធ្វើការឃាត់ខ្លួនក្មេងទំនើងចំនួន២៣នាក់នៅក្នុង បរិវេណ្ឌតំបន់កោះពេជ្រ ខណៈពួកគេប្រមូលផ្តុំគ្នាត្រៀមលេងបាញ់ទឹក និងថង់ច្រកទឹកត្រៀម លេងគប់ទឹក បាញ់ទឹក និង ប៉ាតម្សៅ ទាំងពិធីបុណ្យចូលឆ្នាំថ្មីមិនទាន់ឈានមកដល់នៅឡើយ។
ការឃាត់ខ្លួនណែនាំនេះ ធ្វើឡើងនៅវេលាម៉ោង ៩យប់ថ្ងៃទី ២៦ខែមីនាឆ្នាំ ២០២៤ នៅក្នុងតំបន់ទឹកកោះពេជ្រ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
សូមបញ្ជាក់ថា បន្ទាប់ពីសមត្ថកិច្ចធ្វើការឃាត់ខ្លួន ក្មេងទំនើងទាំងនេះ រួមជាមួយម៉ូតូ ១២គ្រឿង ដែលដែលប្រមូលផ្ដុំលេងគប់ទឹកនេះ សមត្ថកិច្ចបានធ្វើការពន្យល់ណែនាំពីរបៀបលេងល្បែងប្រជាប្រិយផ្សេងៗ សម្រាប់លេងក្នុងឱកាសថកងៃចូលឆ្នាំប្រពៃណីខ្មែរនាថកងៃខាងមុខ មិនមែនលេងគប់ទឹក បាញ់ទឹក ប៉ាតម្សៅនោញទេ។
នគរបាលបានបន្ថែមថា បុណ្យចូលឆ្នាំប្រពៃណីជាតិខ្មែរ គឺពុំទាន់ចូលមកដល់នោះឡើយ ដូច្នោះហើយ សូមប្អូនៗ ក្មួយៗជាយុវជន ជាសិស្ស សូមកុំប្រព្រឹត្តិ ឬធ្វើទង្វើទាំងឡាយណា ដែលប៉ះពាល់ដល់សណ្តាប់ធ្នាប់សង្គម បន្តទៀត ។ និងអប់រំណែនាំឲ្យគោរពច្បាប់ចរាចរណ៍។
សូមបញ្ជាក់ថា ក្រោយការអប់រំណែនាំរួច មនុស្សប្រុសស្រីទាំង១១៣នាក់ រួមទាំងម៉ូតូ៥១គ្រឿង ត្រូវយកឯកសារម៉ូតូមកផ្ទៀងផ្ទាត់ ទើបអនុញ្ញាត្តិឱ្យត្រឡប់ទៅផ្ទះវិញ នៅល្ងាចថ្ងៃខែដដែលនេះផងដែរ៕ដោយ រ៉ារ៉ា
