ការវាយប្រហារដោយយន្តហោះគ្មានមនុស្សបើករបស់រុស្សីទៅលើរោងចក្រថាមពលមួយក្នុងទីក្រុង Kharkiv កាលពីថ្ងៃព្រហស្បតិ៍បានបណ្តាលឱ្យដាច់ចរន្តអគ្គិសនីរីករាលដាលទ្រង់ទ្រាយធំ។
អាជ្ញាធរក្នុងតំបន់បាននិយាយថា ឧបទ្ទវហេតុនេះបានសម្លាប់មនុស្ស 4 នាក់ និងបានផ្តាច់ប្រព័ន្ធភ្លើងសម្រាប់ប្រជាជនចំនួន 350,000 នាក់។
ប្រតិបត្តិករបណ្តាញអគ្គិសនី Ukrenergo បាននិយាយថា នៅពេលល្ងាចការផ្គត់ផ្គង់អគ្គិសនីត្រូវបានកំណត់នៅក្នុងតំបន់ចំនួនប្រាំមួយនៃប្រទេសអ៊ុយក្រែន ដោយសារតែការវាយប្រហារចុងក្រោយបំផុតលើហេដ្ឋារចនាសម្ព័ន្ធបណ្តាញថាមពល។ កម្រិតនៃការរឹតបន្តឹងគឺ “ក្នុងកម្រិតមធ្យម” ។
Kharkiv ជាទីក្រុងធំទីពីររបស់អ៊ុយក្រែន ដែលស្ថិតនៅចម្ងាយប្រហែល 30 គីឡូម៉ែត្រពីព្រំដែនរុស្ស៊ី ត្រូវបានទម្លាក់គ្រាប់បែកយ៉ាងខ្លាំងក្នុងអំឡុងពេលសង្រ្គាម 25 ខែកន្លងមក ហើយជាកន្លែងដែលរងការវាយប្រហារខ្លាំងបំផុតនៅពេលដែលរុស្ស៊ីចាប់ផ្តើមការវាយប្រហារមីស៊ីល និងយន្តហោះគ្មានមនុស្សបើកឡើងវិញលើប្រព័ន្ធថាមពល។
លោក Oleh Synehubov បាននិយាយថា បុគ្គលិកសង្គ្រោះបីនាក់បានស្លាប់នៅក្នុងការវាយប្រហារមួយ ខណៈពេលដែលពួកគេកំពុងផ្លាស់ប្តូរទៅកាន់តំបន់លំនៅឋានមួយដែលត្រូវបានវាយប្រហារតាមអាកាស។ លោកថា មនុស្ស១២នាក់បានរងរបួស ក្នុងនោះមាន៣នាក់របួសធ្ងន់ ៕ ដោយធីរីណា
រូបថត: Reuters
