ខ្សែការពារ Thiago Silva របស់ក្រុមតោខៀវ Chelsea នឹងចាកចេញពីក្លិបនៅចុងបញ្ចប់នៃរដូវកាលនេះ។ កីឡាករសញ្ជាតិប្រេស៊ីលដែលបានចូលរួមជាមួយក្រុមតោខៀវដោយមិនគិតថ្លៃផ្ទេរពី Paris St-Germain ក្នុងឆ្នាំ២០២០ បានបង្ហាញខ្លួន១៥១ប្រកួតសម្រាប់ក្រុមតោខៀវ។

 គាត់ បាន ជួយក្រុមឈ្នះ ពាន៣ ក្នុង ពេល នោះ រួម ទាំង Champions League ២០២០–២០២១ផងដែរ។ Silva វ័យ៣៩ឆ្នាំបាននិយាយថា សេចក្តីស្រឡាញ់របស់គាត់ចំពោះក្លិបគឺមិនអាចពិពណ៌នាបាន។

 គាត់បន្តថា “Chelsea មានន័យខ្លាំងណាស់សម្រាប់ខ្ញុំ។ ខ្ញុំមកទីនេះដោយចេតនាត្រឹមតែស្នាក់នៅមួយឆ្នាំប៉ុណ្ណោះ ហើយវានឹងបញ្ចប់ត្រឹម៤ឆ្នាំ។ វាពិបាកនិយាយលាហើយក្នុងកាលៈទេសៈធម្មតាបំផុត នៅពេលដែលមានស្នេហាទៅវិញទៅមក វារឹតតែពិបាកប៉ុន្តែតែងតែមានតោខៀវ” ។

 Silva បានចូលរួមជាមួយក្លិបនៅពេលដែលលោក Frank Lampard ជាគ្រូបង្វឹក ហើយចាប់តាំងពីពេលនោះមកក៏ធ្លាប់លេងក្រោមការដឹកនាំរបស់លោក Thomas Tuchel, លោក Graham Potter និងលោក Mauricio Pochettino ផងដែរ។

 គាត់បានបង្ហាញខ្លួនចំនួន៣៤ដងក្នុងការប្រកួតទាំងអស់សម្រាប់ Chelsea ក្នុងរដូវកាលនេះ រួមទាំងការចាប់ផ្តើមចំនួន២៥ដងនៅPremier League ។ អតីតខ្សែការពារកណ្តាលរបស់ AC Milan ដែលបង្ហាញខ្លួនបាន១១៣ដងដោយប្រេស៊ីលនិយាយថា គាត់សង្ឃឹមថានឹងត្រលប់ទៅ Stamford Bridge ក្នុងតួនាទីថ្មីនាពេលអនាគត។

 គាត់បាននិយាយថា “ខ្ញុំសង្ឃឹមថានឹងបើកទ្វារចំហ ដូច្នេះនៅពេលអនាគតដ៏ខ្លី ខ្ញុំអាចត្រលប់មកវិញ ទោះបីជានៅក្នុងតួនាទីផ្សេងទៀតនៅទីនេះក៏ដោយ” ៕ (រូបភាព ៖ BBC Sport)