ភ្នំពេញ៖ កាលពីរសៀលថ្ងៃទី២២ ខែកក្កដា ឆ្នាំ២០១៦នៅវត្តញាណរង្សី សង្កាត់ទួលសង្កែ ខណ្ឌឫស្សីកែវ អនុសាខាកាកបាទក្រហមកម្ពុជាខណ្ឌឫស្សីកែវបានទទួលអំណោយជាគ្រឿងឧបភោគបរិភោគនិងថវិកាមួយចំនួនពីព្រះតេជព្រះគុណព្រះ មង្គលរក្ខិត បណ្ឌិតសុវណ្ណជោតិ ខឹម សម្បត្តិ ព្រះប្រធានសហគមន៍មូលនិធិនគរកាយវត្តព្រះពុទ្ធសាសនាកម្ពុជាដើម្បីទុកចែកជូន បន្តដល់ដៃប្រជាពលរដ្ឋងាយរងគ្រោះក៏ដូចជាជួយរំលែកទុក្ខលំបាកនិងការខ្វះខាត ផ្សេងៗផងដែរ ។
អញ្ជើញនិងនិមន្តចូលរួមនាឱកាស នោះគេឃើញ មានវត្តមាន លោក ជាពិសី ប្រធានអនុសាខាកាកបាទក្រហមកម្ពុជា ខណ្ឌឫស្សីកែវនិងក្រុមការងារព្រះតេជព្រះ គុណសុវណ្ណជោតិបណ្ឌិតខឹមសម្បត្តិចៅ អធិការវត្តញាណរង្សីនិងជាព្រះប្រធាន មូលនិធិនគរកាយវត្តព្រះពុទ្ធសាសនាកម្ពុជារួមនឹងព្រះសង្ឃជាច្រើនអង្គ ។
នាឱកាសនោះ សុវណ្ណ ជោតិ ខឹម សម្បត្តិ បានមានថេរដីកាថា កន្លងមកក៏ដូចជា បច្ចុប្បន្នសហគមន៍មូលនិធិនគរកាយវត្ត ព្រះពុទ្ធសាសនាកម្ពុជាដែលមានព្រះអង្គជាព្រះប្រធានតែងតែបានកៀរគររកជំនួយ ផ្សេងៗពីសប្បុរស ជននានា ទាំងក្នុងនិងក្រៅប្រទេសនិងតាមទីវត្តអារាមនានា ដើម្បី បម្រើ ឱ្យសកម្មភាពមនុស្សធម៌ជាមួយរាជ រដ្ឋាភិបាលកម្ពុជាក៏ដូចជាកាកបាទក្រហមកម្ពុជាសាខាកាកបាទក្រហមក្រុងអនុសាខាកាកបាទក្រហមខណ្ឌនិងជនងាយរង គ្រោះផ្សេងៗជាច្រើនទៀត ។
លោក ជាពិសី បានមានប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិត បុ៊នរា៉នីហុ៊សែនក៏ដូចជាថ្នាក់ដឹកនាំកាកបាទក្រហមកម្ពុជាទាំងអស់ ។
លោកបន្តថា លោក សូមថ្លែងអំណរ ព្រះគុណដល់ព្រះសង្ឃគ្រប់អង្គជាពិសេសសហគមន៍មូលនិធិនគរកាយវត្តព្រះពុទ្ធសាសនាកម្ពុជា ដែលតែងតែយកចិត្តទុកដាក់រកជំនួយពីគ្រប់ទិសទីដើម្បីចែកជូន ដល់ជនងាយរងគ្រោះផ្សេងៗ ជាពិសេសសហការជាមួយសាខាក៏ដូចជាអនុសាខាកាកបាទក្រហម ចុះជួយឧបត្ថម្ភដល់ជនទីទាល់ក្រគ្រួសារមានផ្ទុកមេរោគអេដស៍ ដោយមិនប្រកាន់និន្នាការនយោបាយអ្វីឡើយ ។
លោក ក៏បានសន្យាថានឹងយកអំណោយទាំងអស់នេះទៅចែកជូនដល់ដៃជនរងគ្រោះផ្សេងៗដោយមិនឱ្យបាត់បង់មួយ រៀលទេ ។
អំណោយដែលចែកជូនរួមមាន អង្ករ ១តោន មី១០កេស ទឹកក្រូច ៥កេស ទឹកត្រី ១០យួរ ទឹងសីុអុីវ ១០យួរ ស្ករស៣០គីឡូ ក្រាម ទឹកដោះគោ ២០កំបុ៉ង តែ២០០កញ្ចប់ ត្រីខ ១០យួរទឹកសុទ្ធ១០កេសបន្លុង២ សម្រាប់ និងថវិកាចំនួន៤លានរៀលជាមួយគ្នានេះដែរ សហគមន៍ មូលនិធិនគរកាយវត្តព្រះពុទ្ធសាសនាកម្ពុជាបានឧបត្ថម្ភដល់គ្រួសារងាយរងគ្រោះចំនួន២៥គ្រួសារក្នុង១ គ្រួសារ២០.០០០រៀល ៕
ដោយ៖ អារុណរះ
