ខេត្តរតនគិរី៖ មានករណីគ្រោះធម្មជាតិបានកើតឡើងនៅស្រុកបរកែវដោយសារតែរន្ទះបាញ់បុរសម្នាក់បណ្ដាលឲ្យធ្លាក់ពីលើគ្រែស្លាប់ភ្លាមៗនៅកន្លែងតែម្ដង។
ហេតុការណ៍នេះបានកើតឡើងនៅវេលាម៉ោង១០និង៤៥នាទីយប់ថ្ងៃទី២២ ខែកក្កដា ឆ្នាំ២០១៦ ជនរងគ្រោះឈ្មោះ ទីង ហន ភេទប្រុស អាយុ១៦ឆ្នាំ ជនជាតិច្រាយ ជាសិស្ស រស់នៅភូមិលើឃូន ឃុំកិចុង ស្រុកបរកែវ ខេត្តរតនគិរី។
ប្រភពពីសមត្ថកិច្ចឲ្យដឹងថា សាកសពក្មេងប្រុសដែលរន្ទះបាញ់ខាងលើបានបញ្ជាក់ថា នៅមុនពេលកើតហេតុខណៈជនរងគ្រោះកំពុងអង្គុយមើលទូរទស្សន៍មានគ្នា៤ទៅ៥នាក់នៅក្រោមផ្ទះស្រាប់តែមានខ្យល់ភ្លៀងធ្លាក់យ៉ាងខ្លាំងលាយលំនិងខ្យល់កន្ត្រាក់ផងដែរ ស្រាប់តែពេលនោះរន្ទះបានបាញ់ជនរងគ្រោះធ្លាក់ពីលើគ្រែស្លាប់ភ្លាមៗតែតែម្ដង។
ក្រោយពីកើតហេតុសមត្ថកិច្ចនគរបាលឃុំកិចុង ស្រុកបរកែវ ធ្វើការត្រួតពិនិត្យលើខ្លួនសាកសពឃើញមានស្នាមខ្លោចរោលពេញឆ្អឹងខ្នង និងមានស្នាមឆេះអាវទៀតផង បច្ចុប្បន្នសាកសពក្មេងប្រុសខាងលើនេះក្រុមគ្រួសារយកទៅធ្វើបុណ្យតាមប្រពៃណីជនជាតិច្រាយ៕
ដោយ៖ វុទ្ធឦសាន
