ភ្នំពេញ៖ នាព្រឹកថ្ងៃទី២៦ ខែកក្កដា ឆ្នាំ២០១៦នេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា កំពុងអញ្ជើញធ្វើដំណើរពីភ្នំពេញឆ្ពោះទៅកាន់ខេត្តស្ទឹងត្រែង និងខេត្តក្រចេះ ដើម្បីពិនិត្យមើលនូវសមិទ្ឋផលនានា និងពិនិត្យដោះស្រាយបញ្ហាប្រឈមផ្សេងៗនៅក្នុងមូលដ្ឋាន ព្រមទាំងជួបសំណេះសំណាលជាមួយមន្ត្រីរាជការ និងកងកម្លាំងប្រដាប់អាវុធក្នុងខេត្ត។ សម្តេចនឹងបន្តចុះនៅគ្រប់ ២៥ខេត្ត្រកុង នៅពេលបន្តបន្ទាប់ខាងមុខនេះ។
សម្តេចក៏សូមអភ៏យទោសចំពោះសិស្សានុសិស្សនិងបងប្អូនជនរួមជាតិនៅកំពង់ឆ្នាំង ពោធិសាត់ បាត់ដំបង បន្ទាយមានជ័យ សៀមរាប និង កំពង់ធំ ដែលរង់ចាំស្វាគមន៏សម្តេចតាមដងផ្លូវកន្លងទៅដោយសម្តេចមិនបានចុះជួបសំណេះសំណាលអាស្រ័យដោយដំណើរផ្លូវឆ្ងាយនិងមានកម្មវិធីការងារច្រើន។
ក្នុងនេះសម្តេចតេជោក៏មានប្រសាសន៍លើកឡើងផងដែរថាៈ ប្រសិនមានករណីយដូចគ្នានេះតាមផ្លូវធ្វើដំណើររបស់សម្តេចទៅកាន់ខេត្តស្ទឹងត្រែង និងក្រចេះ សម្តេចក៏សុំអាធ្យាស្រ័យទុកជាមុន៕
ដោយ៖ សុខ ខេមរា
