ភ្នំពេញ៖ នាព្រឹកថ្ងៃទី២៦ ខែកក្កដា ឆ្នាំ២០១៦ រដ្ឋបាលរាជធានីភ្នំពេញបើកកិច្ចប្រជុំត្រួតពិនិត្យការស្ថាបនាជញ្ជាំងបេតុងបឹងត្របែក គឺជាប្រឡាយសំខាន់ដែលអាចរំដោះទឹកបានមួយភាគធំនៃរាជធានីភ្នំពេញ។

បច្ចុប្បន្នប្រឡាយនេះត្រូវធានាបញ្ជូនទឹកឱ្យបាន ២៣ម៉ែត្រគីបក្នុងមួយវិនាទី សម្រាប់សមត្ថភាពបូមនៃស្ថានីយ៍ថ្មី ដូច្នេះត្រូវធ្វើការសម្រួលផ្លូវទឹកនេះឱ្យបានល្អបំផុត។

ហេតុនេះត្រូវបន្តការងារចំពោះមុខមួយចំនួនដូចខាងក្រោម៖

១-បន្ថែមក្រុមហ៊ុនមួយទៀត ដើម្បីពន្លឿនការស្ថាបនាជញ្ជាំងបេតុងពីផ្លូវ៤៨៤ រហូតដល់ស្ថានីយ៍បូមតែម្តង។

២-អាជ្ញាធរខណ្ឌត្រូវយកប្លង់ជាក់ស្តែងដែលបងប្អូនប្រជាពលរដ្ឋរំលោភបំពាន ទៅធ្វើការផ្សព្វផ្សាយ ដើម្បីមានការចូលរួមសហការឱ្យបានល្អ។

៣-ចុះស្រង់ស្ថិតិបន្ថែម ដើម្បីពង្រីកផ្លូវអមសងខាងប្រឡាយបឹងត្របែកនេះឱ្យបានលឿន៕

ដោយ៖ សុវណ្ណារ៉ា