កីឡាករ Carlos Tevez ខ្សែប្រយុទ្ធ របស់ក្លិប Boca Juniors បានបញ្ជាក់សាជាថ្មីថារូបគាត់នឹងមិនវិលត្រលប់ទៅកាន់តំបន់ អឺរ៉ុបវិញឡើយ ហើយបន្តលេងឲ្យក្រុមរបស់គាត់បច្ចុប្បន្នរហូតដល់ចូលនិវត្តន៍។
មានព័ត៌មានលេចឮច្រើនក្នុងពេលថ្មីៗនេះដោយថាកីឡាករវ័យ៣២ឆ្នាំTevez ជាទិសទៅសំខាន់របស់ក្លិបជាច្រើនដូចជាCorinthians របស់ប្រេស៊ីល និងបណ្តាក្លិបនៅ ប្រទេសអង់គ្លេស West Ham និង Chelsea ជាដើមហើយក៏មានក្លិប Napoli របស់ ប្រទេសអីុតាលីផងដែរ ។
កីឡាករសញ្ជាតិអាហ្សង់ទីននេះបាន បញ្ជាក់ពីជំហររបស់ខ្លួនថាមិនថាក្រុមចង់ទិញគាត់នោះទេគឺគាត់នឹងមិនទៅជាដាច់ខាត ពោលគឺគាត់ចង់បញ្ចប់អាជីពនៅក្នុងក្រុមBoca Juniors តែម្តង។ គាត់បាន ថ្លែងថា “ខ្ញុំនឹងបន្តនៅក្នុងក្រុមBoca មិនថាក្រុមNapoli, Chelseaឬក៏ក្រុមដទៃទៀតចង់បានខ្ញុំនោះទេ ខ្ញុំមិនទៅណាឡើយ គឺនឹងនៅតស៊ូជាមួយនឹងមិត្តរួមក្រុមរបស់ខ្ញុំនៅទីនេះទៀត”។
គួរបញ្ជាក់ថា ក្លិប Boca Juniors បាន ធ្លាក់ចេញពីកម្មវិធី Copa Libertadores ពានរង្វាន់ទ្វីបអាមេរិកខាងត្បូងក្រោមស្នាដៃរបស់ក្លិបIndependiente del Valle៕
ដោយ៖ ដេវីត
