កីឡាករ Wayne Rooney ខ្សែប្រយុទ្ធនិង ជាប្រធានក្រុមបិសាចក្រហម Manchester United បានបង្ហាញពីគោលបំណងរបស់ខ្លួន ថា ចង់ក្លាយទៅជាគ្រូបង្វឹកបាល់ទាត់ក្រោយ ពេលបញ្ចប់អាជីពជាជាកីឡាករ ។

ខ្សែប្រយុទ្ធវ័យ៣០ឆ្នាំរូបនេះបានចូលលេងក្នុងក្របខ័ណ្ឌអង់គ្លេស Premier League ជាលើកដំបូងនៅក្នុងឆ្នាំ២០០២ ឲ្យក្រុម Everton ហើយរហូតមកដល់ពេលនេះគាត់បានបង្ហាញខ្លួន៦០០ប្រកួតហើយ ឲ្យក្រុមបាល់ទាត់អាជីព ។

Wayne Rooneyបានប្រាប់ដល់អ្នកគាំទ្រ បាល់ទាត់របស់ខ្លួនថាគាត់នឹងនៅបន្តអាជីព ក្នុងវិស័យបាល់ទាត់រយៈពេលយូរទៀតដោយធ្វើជាគ្រូបង្វឹកបាល់ទាត់ ។ គាត់បាន ថ្លែងនៅក្នុងបណ្តាញសង្គមហ្វេសប៊ុកថា “ខ្ញុំចង់ក្លាយជាគ្រូបង្វឹកក្រោយឈប់លេងបាល់ ។ ខ្ញុំបានប្រឡូកក្នុងវិស័យបាល់ទាត់ស្ទើរពេញមួយជីវិតទៅហើយ ។ បច្ចុប្បន្ន ខ្ញុំក៏កំពុងតែចាប់ផ្តើមរៀនធ្វើជាគ្រូបង្វឹកជាបណ្តើរៗហើយ ។ ខ្ញុំនឹងអាចក្លាយទៅជាគ្រូបង្វឹកភ្លាមពេលបញ្ចប់អាជីពជាកីឡាករ របស់ខ្ញុំ” ៕

ដោយ៖ ដេវីត