ភ្នំពេញ៖ បុរសម្នាក់ជាមន្រ្តីនគរបាលនាយកដ្ឋានព្រហ្មទណ្ឌ ស្រវឹងស្រាជោកជាំបានបេីករថយន្តសារ៉ែន ពាក់ស្លាកលេខនគរបាល បត់ឆ្លងផ្លូវបុករថយន្តកុងតឺន័រ វេលាម៉ោង១០ និង៣០នាទីយប់ ថ្ងៃទី២៦ ខែកក្កដា ឆ្នាំ២០១៦ នៅចំណុចមុខវត្តច្បារអំពៅ តាមបណ្តោយផ្លូវជាតិលេខ១ ស្ថិតក្នុងសង្កាត់ច្បារអំពៅ១ ខណ្ឌច្បារអំពៅ រាជធានីភ្នំពេញ ។
តាមប្រភពពត៌មានពីកន្លែងកេីតហេតុបានអោយដឹងថា នៅមុនពេលកេីតហេតុគេបានឃេីញរថយន្តសារ៉ែន ពណ៍ស ពាក់ស្លាកលេខ នគរបាល 2 0445 បេីកតាមបណ្តោយផ្លូវជាតិលេខ២ ទិសដៅពីកេីតទៅលិច ខណៈមកដល់ចំណុចកេីតហេតុបានបត់ឆ្វេងឆ្លងផ្លូវ ក៏បានទៅបុករថយន្តកុងទីន័រផែស្ងួតសូងួន ទិសដៅបញ្ច្រាសគ្នាបណ្តាលអោយគៀបជាប់រងការខូចខាតយ៉ាងដំណំ។
ក្រោយមកសមត្ថកិច្ចមូលដ្ឋានបានសហការជាមួយជំនាញធ្វេីការវាស់វែងនិងយករថយន្តទាំង២គ្រឿងទៅរក្សាទុកនៅការិយាល័យចរាចរណ៍ជេីងគោករាជធានីភ្នំពេញ រង់ចាំដោះស្រាយតាមនីតិវិធី ៕
ដោយ៖ ជីម ភារ៉ាដង្កោ
