ខេត្តបន្ទាយមានជ័យៈរថយន្តមួយគ្រឿងបើកឆ្លងផ្លូវមិនប្រយត្ន័បណ្ដាលឲ្យបុកជាមួយម៉ូតូ១គ្រឿង ធ្វើឲ្យភាគីខាងម៉ូតូរងរបួសធ្ងន់៣នាក់ ដោយឡែកម្ចាស់រថយន្តបើករត់គេចបន្សល់ផ្លាកលខ សមត្ថកិច្ចកំពុងស្រាវជ្រាវ នៅវេលាម៉ោង១និង៤៥នាទីរសៀល ថ្ងៃទី២៣ ខែមិថុនា ឆ្នាំ២០២៤ នៅតាមបណ្តោយផ្លូវជាតិលេខ៥ មុខផ្លូវចូលវិទ្យាល័យអូរជ្រៅ ក្នុងភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត។
នគរបាលបានប្រាប់ថានៅ ពេលកើតហេតុ មានរថយន្តមួយគ្រឿងមិនចាំម៉ាក ពណ៌ស្ករ ពាក់ផ្លាកលេខ ភ្នំពេញ2L-9274 បានបើកក្នុង ទិសដៅពីជើង បម្រុងឆ្លងផ្លូវទៅទិសកើត ស្រាប់តែមានម៉ូតូម៉ាកឌ្រីម ពណ៌ខ្មៅ គ្មានផ្លាកលេខ ជិៈត្រង់តាមបណ្តោយផ្លូវជាតិល៥ពីកើតទៅលិច បុកគ្នាពេញ បណ្តាលឲ្យភាគីខាងម៉ូតូ រងតបួសមនុស្សប្រុស ស្រី៣នាក់។សមត្ថកិច្ចបន្ថែមថាៈមនុស្សប្រុសម្នាក់ និងស្រីរងរបួសបាក់ជើង ស្ត្រីម្នាក់ទៀតរងរបួសធ្ងន់។ ចំពោះរថយន្តក្រោយកើតហេតុបើកគេច ខ្លួនបាត់បន្ដលកាងមុខ ជាប់ជាមួយផ្លាកលេខ តែទោះយ៉ាងណាសមត្ថកិច្ចកំពុងស្រាវជ្រាវចាត់ការតាមផ្លូវច្បាប់។
ក្រោយពីហេតុការគេឃើញ ក្រុមការងារសង្គ្រោះបឋម បានយកជនរងគ្រោះទាំងបីរនាក់ ទៅសង្គ្រោះបន្ទាន់នៅមន្ទីរពេទ្យបង្អេកប៉ោយប៉ែត (ដីថ្មី) ដើម្បីព្យាបាល។ ចំពោះម៉ូតូ សមត្ថកិច្ចយកទៅរក្សានៅកន្លែងអធិការដ្ឋានក្រុង រីឯកាងស្លាកលេខរថយន្ត សមត្ថកិច្ចកំពុងស្រាវជ្រាវដើម្បីអនុវត្តច្បាប់៕វណ្ណា
