ខេត្តកណ្ដាល៖យុវជនម្នាក់ ខណៈកំពុងដើរហែរទីងមោងសុខៗ ស្រាប់តែជនសង្ស័យ២នាក់ យកដុំថ្មគប់ពីក្រោយ បណ្ដាលឲ្យរងរបួសក្បាលយ៉ាងដំណំ កាលពីថ្ងៃទី០៣ ខែកក្កដា ឆ្នាំ២០២៤ វេលាម៉ោង១៤និង០០នាទីរសៀល នៅចំណុចភូមិសំប៉ានលើ ឃុំកោះធំ ស្រុកកោះធំ ខេត្តកណ្ដាល។
មន្ត្រីនគរបាលស្រុកស្អាងបានឲ្យដឹងថា ជនរងគ្រោះឈ្មោះ កុសល់ សុធារាជ្យ ភេទប្រុស អាយុ១៦ឆ្នាំ មានទីលំនៅភូមិក្បាលកោះកើត ឃុំកោះខ្សាច់ទន្លា ស្រុកស្អាង ខេត្តកណ្ដាល។ ជនសង្ស័យ០២នាក់
១.ឈ្មោះ វុឌ្ឍី ពិតា ភេទប្រុស អាយុ១៥ឆ្នាំ ជនជាតិខ្មែរ មុខរបរៈកសិករ មានទីលំនៅ ភូមិព្រែកពោធិ៍ ឃុំទឹកវិល ស្រុកស្អាង ខេត្តកណ្ដាល។(ឃាត់ខ្លួនបាន)
២.ឈ្មោះរ៉េត ធារិទ្ធ ភេទប្រុស អាយុ១៦ឆ្នាំ ជនជាតិខ្មែរ.មុខរបរ.មិនពិតប្រាកដ មានទីលំនៅ ឃុំកោះខ្សាច់ទន្លា ស្រុកស្អាង ខេត្តកណ្តាល។(គេចខ្លួន)
។ វត្ថុតាងចាប់យក (គ្មាន)។
បច្ចុប្បន្ន ជនសង្ស័យម្នាក់ ត្រូវបានបញ្ជូនមកអធិការដ្ឋាននគរបាលស្រុកស្អាង ដើម្បីចាត់ការតាមនីតិវិធី រីឯម្នាក់ទៀតដែលគេចខ្លួន ត្រូវបានសមត្ថកិច្ចកំពុងធ្វើការស្រាវជ្រាវបន្ត ៕
