ភ្នំពេញ៖ ជនសង្ស័យមិនស្គាល់អត្តសញ្ញាណម្នាក់ បានធ្វើសកម្មភាពប្រើកាំភ្លើងខ្លីមួយដើមមកបាញ់ស្រ្តីម្នាក់ទាំងកំរោល បណ្ដាលឲ្យរងរបួសធ្ងន់ ហើយត្រូវបានសមត្ថកិច្ចដឹកទៅសង្គ្រោះភ្លាមៗនៅមន្ទីរពេទ្យ ។

ហេតុការណ៍នេះ បានកើតឡើងកាលពីវេលាម៉ោង៨និង៤០នាទីយប់ ថ្ងៃទី៣១ ខែកក្ដដា ឆ្នាំ២០១៦ ស្ថិតនៅចំណុចផ្លូវលេខ ១៤៦កែងម៉ៅសេងទុង សង្កាត់ទឹកល្អក់ទី២ ខណ្ឌទួលគោក ។

ក្រោយកើតហេតុជនររងគ្រោះត្រូវបានសមត្ថកិច្ចដឹកទៅសង្រ្គោះនៅពេទ្យ វណ្ណលីដា ក្បែរស្តុបទេពផន តែដោយសារតែត្រូវក្បាលរងធ្ងន់ពេកនិង សង្ឈឹមតិច ក៏ដឹកបញ្ជូនតទៅកាល់ម៉ែត ៕

ដោយ៖ ស ដារ៉ា