សមត្ថកិច្ចនគរបាលខណ្ឌឬស្សីកែវឃាត់ខ្លួន ជនសង្ស័យ២នាក់ ពាក់ព័ន្ធករណីជួញដូរគ្រឿងញៀន

ចែករំលែក៖

ភ្នំពេញៈ ថ្ងៃទី ២៣ ខែ កក្កដា ឆ្នាំ២០២៤ វេលាម៉ោង ១១នឹង ៣០នាទី កម្លាំងជំនាញខណ្ឌបានសហការជាមួយកម្លាំងប៉ុស្តិ៍នគរបាលរដ្ឋបាលច្រាំងចំរេះទី២បានធ្វើការបង្ក្រាបជាក់ស្តែងករណីរក្សាទុកនិងឃាត់ខ្លួន ជនសង្ស័យ២នាក់ជួញដូរដោយខុសច្បាប់នូវសារធាតុញៀននៅត្រង់ចំណុចមុខផ្ទះលេខ២៧ ផ្លូវលេខ១៣ ក្រុមទី៥ ភូមិ ខ១ សង្កាត់ច្រាំងចំរេះទី២ ខណ្ឌឬស្សីកែវ រាជធានីភ្នំពេញ។

លោកវរសេនីយ៍ឯក ហ៊ាង ថារ៉េត អធិការខណ្ឌឬស្សីកែវ បានអោយដឹងថា ជាលទ្ធផលកំលាំងជំនាញបានកម្លាំងយើងបានឃាត់ខ្លួនជនសង្ស័យបានចំនួន ០២នាក់៖១/ ឈ្មោះ អះ អារី ភេទប្រុស អាយុ២៦ឆ្នាំ ជនជាតិ ខ្មែរ មានទីលំនៅ ភូមិខ១ សង្កាត់ ច្រាំងចំរេះទី២ ខណ្ឌឬស្សីកែវ រាជធានីភ្នំពេញ មុខរបរ ជួញដូរគ្រឿងញៀន។

២/ ឈ្មោះ សេន មុំ ភេទស្រី អាយុ៤៧ឆ្នាំ ជនជាតិ ខ្មែរ មានទីលំនៅ ផ្ទះលេខ២៧ ផ្លូវ១៣ ភូមិខ១ សង្កាត់ ច្រាំងចំរេះទី២ ខណ្ឌ ឬស្សីកែវ រាជធានីភ្នំពេញ មុខរបរ លក់ដូរ(ដែលជាម្ចាស់ផ្ទះលេខ២៧ ផ្លូវ១៣ ភូមិខ១ សង្កាត់ច្រាំងចំរេះទី២ ខណ្ឌឬស្សីកែវ រាជធានីភ្នំពេញ)។