ការិយាល័យសម្របសម្រួលកិច្ចការមនុស្សធម៌របស់អង្គការសហប្រជាជាតិ (OCHA) បានដកស្រង់ព័ត៌មានពីអាជ្ញាធរមូលដ្ឋានដោយនិយាយថា ចំនួនអ្នកស្លាប់បានកើនឡើងដល់ ២៥៧ នាក់។ OCHA បារម្ភថា ចំនួនអ្នកស្លាប់អាចឡើងដល់ ៥០០នាក់។

កាលពីថ្ងៃទី 25 ខែកក្កដា អង្គការសហប្រជាជាតិបាននិយាយថាចំនួនអ្នកស្លាប់ដោយសារការបាក់ដីដ៏បំផ្លិចបំផ្លាញនៅភាគខាងត្បូងប្រទេសអេត្យូពីបានកើនឡើងដល់ 257 នាក់ ហើយបានព្រមានថា ចំនួននេះអាចកើនឡើងខ្ពស់។
គ្រោះមហន្តរាយនេះបានកើតឡើងកាលពីថ្ងៃទី 22 ខែកក្កដា បន្ទាប់ពីភ្លៀងធ្លាក់ខ្លាំងនៅតំបន់ភ្នំមួយក្នុងរដ្ឋ Ethiopia ភាគខាងត្បូង និងជាការរអិលបាក់ដីដែលមានមនុស្សស្លាប់ច្រើនបំផុតក្នុងប្រទេសដែលមានប្រជាជនច្រើនជាងគេទីពីររបស់អាហ្វ្រិក។
នៅកន្លែងកើតហេតុក្នុងតំបន់ Kencho Shacha Gozdi មនុស្សរាប់រយនាក់នៅតែដើរឆ្លងកាត់ភក់ ដើម្បីស្វែងរកអ្នកនៅរស់រានមានជីវិតបន្ទាប់ពីការរអិលបាក់ដីដ៏គួរឱ្យភ័យខ្លាចនេះ។
យោងតាម OCHA ប្រជាពលរដ្ឋដែលរងផលប៉ះពាល់ច្រើនជាង 15,000នាក់ ចាំបាច់ត្រូវជម្លៀសចេញ រួមទាំងកុមារយ៉ាងហោចណាស់ 1,320 នាក់ ក៏ដូចជាស្ត្រីមានផ្ទៃពោះចំនួន 5,293 នាក់ ។
យោងតាម OCHA ពីមុនចាប់ពីខែមេសា ដល់ដើមខែឧសភា រដ្ឋភាគខាងត្បូងនៃប្រទេស Ethiopia បានទទួលរងនូវភ្លៀងធ្លាក់តាមរដូវខ្លីៗ ដែលបណ្តាលឱ្យមានទឹកជំនន់ បង្ខំឱ្យមនុស្សជម្លៀសចេញជាទ្រង់ទ្រាយធំ៕ ដោយធីរីណា

រូបថត​: TTXVN