ខេត្តកណ្ដាល៖ កម្លាំងចម្រុះស្រុកល្វាឯមចុះបង្ក្រាបបទល្មើសនេសាទនៅចំណុចបឹងអន្លង់ក្រសាំង ភូមិព្រែកក្មេង ឃុំព្រែកក្មេង ស្រុកល្វាឯម ខេត្តកណ្ដាល ដឹកនាំដោយលោក កែវ វិបុល អភិបាលរងស្រុកល្វាឯម កាលពីវេលាម៉ោង៨និង៣០នាទីនៅព្រឹកថ្ងៃទី០១ ខែសីហា ឆ្នាំ២០១៦ នេះ ។

ក្នុងការចុះបង្ក្រាបខាងលើនេះដែរមានការចូលរួមមានដូចជា ជលផលស្រុក ២នាក់, នគរបាលស្រុក ៣នាក់, កងរាជអាវុធហត្ថស្រុក ៣នាក់ និងសឹករងស្រុក ២នាក់ ហើយជាលទ្ធផលបង្ក្រាបបាន ស្បៃមុង ១៥មាត់លូ, របាំងស្បៃមុង ៤៥០ម៉ែត្រ, បង្គោលតូចធំ ២២៥ដើម, លែងកូនត្រីចម្រុះ ២៣គីឡូក្រាមចូលបឹងធម្មជាតិវិញផងដែរ ។

ចំណែកឧបករណ៍នេសាទល្មើសខាងលើត្រូវបានដុតកំទេចចោលនៅនឹងកន្លែងតែម្ដង៕

ដោយ៖ ជឺ តុងឡេង