ភ្នំពេញ៖ អគ្គីភ័យបានឆាបឆេះ ឃ្លាំងដាក់ក្រដាសកាតុងអេតចាយនៅក្នុងរោងចក្រខ្វាន់ទុមមួយកន្លែងយ៉ាងសន្ធោសន្ធៅបណ្តាលឲ្យខូចខាតសម្ភារះនៅក្នុងនោះអស់មួយចំនួន។
ហេតុការគ្រោះអគ្គិភ័យនេះបានកើតឡើង កាលពីវេលាម៉ោង ១២និង០០នាទីយប់រំលងអាធ្រាត ថ្ងៃទី០៩ ខែសីហា ឆ្នាំ២០២៤ ស្ថិត នៅ ក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
តាមការបញ្ជាក់ពីពលរដ្ឋនៅកន្លែងកើតហេតុបានឲ្យដឹងថា នៅមុនពេលកើតហេតុគេឃើញមានផ្សែងហុយចេញពី ស្តុកក្រដាសដាក់ការតុងអេតចាយលាយឡំនិងអណ្តាតភ្លើងយ៉ាងសន្ធោសន្ធៅចេញពីក្នុងរោងចក្រខាងលើភ្លាមនោះដែរពលរដ្ឋជិតខាងរួមទាំងសន្តិសុខ បាននាំគ្នាទាញទុយោទឹកបាញ់ពន្លត់មួយជំហ៊ានសិនក្រោយមកក៏ឃើញមានរថយន្តពន្លត់អគ្គីភ័យប្រចាំរោងចក្រមកដល់មួយគ្រឿងមុនគេ ក្រោយមកទៀតក៏ឃើញមានរថយន្តពន្លត់អគ្គី័យ របស់ស្នងការដ្ឋាននគបាលរាជធានីភ្នំពេញិងរថយន្តពន្លត់អគ្គីភ័យកងកម្លាំងសង្រ្គោះ ៧១១ចុះមកជួយអន្តរាគមន៍បាញ់ពន្លត់ជាច្រើនគ្រឿងទើបរលត់ទៅវិញ នៅយប់ថ្ងៃដដែល។
ក្រោយកម្លាំងបង្ការពន្លត់អគ្គីភ័យចុះមកអន្តរាគមន៍បាញ់ពន្លត់បានប្រើប្រាស់រថយន្តអស់ជាច្រើនគ្រឿងនៅក្នុងនោះដែរមិនមានអ្នករបួសនិងស្លាប់នោះទេ ខូចខាតសម្ភារះនៅក្នុងរោងចក្រអស់មួយចំនួនតែប៉ុណ្ណោះ៕
អត្ថបទ៖ សុខាសែនជ័យ
